From Wikipedia, the free encyclopedia
Tatara (yaponça 鑪) - borınğı tatar texnologiäse buyınça yasalğan Yaponiä traditsion timer häm qorıç eretüçe miçe. Şulay uq miç urnaşqan böten binanı bilgeli.
Yapon samuraylarınıñ maxsus qılıçların citeşterü öçen qullanıla torğan qorıç yäki tamahaganä (玉鋼) - nihontō (日本刀), katana (刀) - näq Tatara digän miçtä yasala.
Älege waqıtta borınğı "Tatara" texnologiäse Yaponiä Şimane wiläyäte, Nittoho qalasında torgızılğan häm qullanıla.
"Tatara" miçe balçıqtan yasala, bieklege - 1,1 m, kiñlege - 1,1, ozınlığı - 3m. Tatara texnologiäse buyınça qorıç yasaw ber atna däwamında suzıla, soñraq qılıç çükelä inde.
1925 yılğa qädär Tatara texnologiäse Yaponiädä aktiv qullanıla, läkin soñraq Awrupa texnologiäse belän almaştırıla. AQŞ okupatsiäse waqıtında borınğı texnologiäne qullanu tuqtatıldı, tik 1975 yılda Tatara ısulı torğızıla başladı. Xäzer Şimane wiläyätendä Tatara texnologiäsenä öç zur muzey bağışlanğan.
1977 yılda Nittoho qalasında "Japanese Society for Preservation of Japanese Art Swords" cämğiäte yärdämendä Tatara texnologiäse torğızılğan.
"Tatara" texnologiäse torğızılğannan soñ yaponnar tatar tarixı belän kübräk qızıqsına başlıylar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.