Тукаевлар музей-йорты (Кушлавыч)

Тукаевлар музей-йорты (рус. Дом-музей семьи Тукаевых) — Татарстанның Арча районы Кушлавыч авылында урнашкан дәүләт мәдәният оешмасы (музей). Габдулла Тукай дәүләт әдәби-мемориаль музей комплексына керә. Бөек татар шагыйре Габдулла Тукайның (Габдулла Мөхәммәтгариф улы Тукаев, 1886—1913) туган авылы Кушлавычта урнашкан һәм шагыйрьнең әтисе Мөхәммәтгариф мулла Тукаев гаиләсенең көнкүреше белән таныштыра.

Музей ишегалды

Тукаевлар музей-йорты

Тукаевлар музей-йорты Викиҗыентыкта

Тукаевлар музей-йорты
Нигезләү датасы	1996
Урын	422017 ТР, Арча районы, Кушлавыч, Тукай ур., 61.
Директор	Дамир Зиннәтулла улы Абдуллин Ләйлә Мөнир кызы Мөхәммәтшина (филиал мөдире)
Сайт	Музей сайты
Тукаевлар музей-йорты Викиҗыентыкта

Бу терминның башка аңлатмалары да бар, аларны карау өчен Габдулла Тукай музее (мәгънәләр) битенә күчегез.

	Мәдәният порталы

Тышкы рәсемнәр
	Музейдан фотосурәтләр.

Тарих

Музей-йорт 1996 елның 24 маенда ачыла.

Бина

Музей Мөхәммәтгариф мулланың төзекләндерелгән утарында оештырылган.

Экспонатлар

Күргәзмә мәйданы — 85 кв. м. Музей фондында 500 дән артык (420 се төп фондта) саклау берәмлеге исәпләнә. Экспозиция татар халык шагыйренең туган йортын, аның эчке күренешен күз алдына китерергә ярдәм итә. Музейда XIX гасыр ахыры татар авылы йортының интерьеры (эчке күренеше) торгызылган. Мөхәммәтгариф мулланың йорты ирләр ягына һәм хатын-кызлар ягына бүленгән булган. Ирләр ягының авыл мәдрәсәсе (мәктәбе) рәвешендә ясалуы Г. Тукайның чыгышы белән муллалар нәселеннән булуына басым ясый. Тукаевлар нәселендә җиде буын мулла булуы билгеле. Йортның хатын-кызлар ягында хатын-кыз кулы белән ясалган әйберләр урын алган. Әлеге экспонатлар ярдәмендә Г. Тукайның тормыш юлы, аның шәхес, шагыйрь буларак үсүе күрсәтелә.

Сылтамалар

• Дом-музей семьи Тукаевых. Музеи России(рус.)
• Музей-комплекс сайты

Искәрмәләр