From Wikipedia, the free encyclopedia
Илкай Гюндоган (алман. İlkay Gündoğan; 1990 елның 24 октябре, Гелзенкирхен, Төньяк Рейн-Вестфалия, Алмания) — алман футболчысы, «Манчестер Сити» клубы (2016 елдан) һәм Алмания җыелма командасы (2011 елдан) ярымсакчысы.
Илкай Гюндоган | |
---|---|
![]() | |
Туган телдә исем | алман. İlkay Gündoğan |
Туган | 24 октябрь 1990[1] (33 яшь) Гелзенкирхен, Мюнстер[d], Төньяк Райн-Вестфалия, Алмания[2] |
Ватандашлыгы | ![]() |
Әлма-матер | Bertolt-Brecht-Schule Nürnberg[d] |
Һөнәре | футболчы |
Җефет | Sara Arfaoui[d][3] |
Өйдәш | Сыла Шахин[d][4] һәм Sara Arfaoui[d][5] |
Спорт такымы әгъзасы | Манчестер Сити |
Гюндоган 1990 елның 24 октябрендә Гелзенкирхенда туа. Гюндоган гаиләсенең этник составы: әтисе — төрек эмигранты, әнисе — алман[6][7]. Балачакта шәһәр командасында уйнаган. 15 яшендә Гюндоганны «Бохум» Алманиянең югары дивизионы клубына карарга чакыралар. Өч елдан соң ярымсакчы «Бохум»ның академиясен тәмамлый һәм Көнбатыш Региональ лигада чыгыш ясаган резерв командасы белән контрактка кул куя.
2008 елның 13 декабрендә «Көнбатыш» региональ лигасының «Айнтрахт» (Трир) клубына каршы кунак матчында икенче команда өчен дебют ясый. «Бохум-2» 2:3 исәбенә оттырган, Илкай тәнәфестән соң кырга чыккан[8]. Киләсе тур матчында, «Клоппенбург-1919»га каршы матчта, Гюндоган төп составта чыга һәм бер туп кертә, әмма аның командасына ярдәм итми (2:4 исәбенә оттыра)[9].
2009 елның февралендә Илкай «Нюрнберг»га күчә. Трансфер суммасы 850 мең евро тәшкил иткән. 2009 елның 24 мартында икенче Бундеслиганың «Мюнхен 1860»га каршы 34 тур матчында яңа команда өчен дебют матчы була. Матч Кристиан Айглер һәм Марек Минтал голлары ярдәмендә 2:1 исәбе белән тәмамлана; Илкай кырга 62 минутта Даниэль Жигаксны алыштырып чыга[10]. Сезон нәтиҗәләре буенча «Нюрнберг» Бундеслигага чыккан.
Бундеслигада Илкай өчен дебют 2009 елның 8 августында була («Шальке 04»га каршы матчта). Матч 1:2 исәбе белән тәмамлана, «Нюрнберг» өчен бер голны Минтал керткән[11]. 2009/10 сезонда Илкай «Нюрнберг» өчен 22 матч уйный һәм 1 туп кертә, 2010/11 сезонда — 25 матч һәм 5 туп кертә.
Көз көне «Манчестер Юнайтед» һәм «Челси» кебек Англия клублары уенчы белән кызыксына дигән имешләр килеп чыга[12][13].
2011 елның 5 маенда Илкай Гюндоганның Дортмундның «Боруссия»сына күчүе һәм аның белән дүрт еллык контракт төзүе игълан ителә[14][15]. Трансфер суммасы якынча 4 млн евро тәшкил иткән.
«Боруссия» өчен рәсми матчларда дебют 2011 елның 23 июлендә, Алмания Суперкубогы өчен матчта («Шальке-04»га каршы) була. Төп вакыт 0:0 исәбе белән тәмамланган, пенальти сериясендә 4:3 исәбе белән «Боруссия» оттырган. Илкай кырда бөтен матч уздыра, пенальтилар сериясендә беренче була һәм үз һөҗүмен тормышка ашыра.
Аркасы җәрәхәте сәбәпле, киләсе сезонны ярымсакчы тулысынча диярлек калдырган. 2014/15 сезоны башлану белән «Боруссия»ның төп составы уенчысы була ала. 2015 елның 1 июлендә Гюндоганның клуб белән контракты 2017 елга кадәр озайтыла[16].
2016 елның 2 июнендә «Манчестер Сити»га 27 млн еврога күчә. Контракт 4 елга төзелгән. 2016 елның 1 ноябрендә «Манчестер Сити» үз кырында Илкай керткән ике туп ярдәмендә Чемпионнар лигасының төркем турнирының дүртенче тур матчында Испаниянең «Барселона» командасын 3:1 исәбе белән җиңә[17].
2016 елның декабрендә «Уотфорд» белән матчта Тезен җәрәхәтләндерә һәм сезон азагына кадәр төшеп кала[18].
Төрле яшьтәге Алмания җыелма командалары өчен уйнаган. Төп җыелмага беренче чакыру 2011 елның августында Бразилиягә каршы иптәшләрчә матчка була, әмма кырга чыкмый. 2011 елның 11 октябрендә Евро-2012гә сайлап алу турнирында Бельгиягә каршы үз кырында узган матчта дебют ясый. Гюндоган җыелма команда белән бергә әлеге турнирның бакыр призёры була.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.