Ko e ʻakau ʻi he saienisi ʻo e moʻui ko e taha pē ʻo e puleʻanga tuʻi ʻo e ngaahi meʻamoʻui ʻe 4 ʻoku fakatefito ki he ngaahi lokiʻimoʻui ʻoku lahi. Ko e ngaahi holisi ʻo honau lokiʻimoʻui ʻoku fefeka pē mo e meʻa ngeʻesi ʻi loto. ʻOku faingataʻa ʻo fakamatala totonu ʻa e ʻuhinga ʻo e ngaahi ʻakau. Kā ko e lahi taha ʻo e ngaahi ʻakau ʻoku lanumata he chlorophyll, ko e meʻa kemi ʻoku lava puke ʻa e ivi ʻo e maama ʻo e laʻā. ʻA ia ko e ʻakau ko e tumuʻaki ʻo e haʻi sēini meʻatokoni ʻi māmani.
| ʻAkau | ||
 | ||
| Fakafaʻafaʻahinga fakasaienisi | ||
| ||
| Hingoa kakato lōua | ||
Ko e ngaahi puleʻanga tuʻi ʻo e meʻamoʻui fakalokiʻimoʻui
- ʻakau (leafakalatina: plantae)
- monumanu (animalia)
- talingelinga (fungi)
- meʻamoʻuimuʻa (protista)
Ko e fanga meʻamoʻui kehe (taʻelokiʻimoʻui): siemu, vailasi, mo e hā fua
Ngaahi kupu mahuʻinga taha ʻo e puleʻanga tuʻí ni
- ʻakau tupu ʻi tahi (algae)
- limutahi lanumata (vakai foki ki he meʻamoʻuimuʻa)
- mo e alā meʻa pehē
- ʻakau tupu ʻi fonua (embryophytes)
- ʻakau taʻekālava (bryophytes) (ʻoku ʻikai ʻi ai haʻanau ngaahi kālava fakaʻakau)
- ʻakau kālava (tracheophytes) (ʻoku ʻi ai haʻanau ngaahi kālava maʻa e fetuku ʻo e vai pe toʻi)
- ʻakau tengaefuefu (ʻoku ʻikai ʻi ai haʻanau tengaʻiʻakau)
- ʻakau tengaʻiʻakau (spermatophytes) (ʻoku ʻi ai haʻanau tengaʻiʻakau)
- tengaʻiʻakau telefua (gymnospermae) (ʻoku ʻikai ʻi ai haʻanau matalaʻiʻakau)
- ponga paame (cycadophyta)
- ʻakau fuasiliva (ginkgophyta)
- ʻakau paini (pinophyta)
- ʻakau sukau (gnetophyta)
- ponga tenga (pteridospermatophyta) (kuo ʻauhamālie ʻaupito ʻosi ʻa e taʻu ʻe 400 miliona kuo hili pe ofi ki ai)
- tengaʻiʻakau ʻufiʻufi (angiospermae) (ʻoku ʻufiʻufi ʻa e ʻū tenga ʻi loto ʻo e foʻi fua ʻosi ʻenau tupu ʻi loto ʻo e matalaʻiʻakau)
- ʻakau matala (magnoliophyta)
- tengaʻiʻakau telefua (gymnospermae) (ʻoku ʻikai ʻi ai haʻanau matalaʻiʻakau)
He onopooni ʻoku ʻikai ngāueʻaki ʻe he kau saienisi ʻa e ongo meʻa ko e "tengaʻiʻakau telefua" mo e "ʻufiʻufi" ʻi heʻenau fakafaʻafaʻahinga ʻo e ngaahi meʻamoʻui. ʻOku pehē: he onopooni ʻoku toe ʻa e ngaahi vahe ʻe 5 ʻi he ʻuluʻivahe ʻo e "ʻakau tengaʻiʻakau", ko e ngaahi ponga paame mo e ʻakau fuasiliva mo e ʻakau paini mo e ʻakau sukau mo e ʻakau matala. ʻOku sai pē ko e ongo meʻa "tengaʻiʻakau telefua" mo e "ʻufiʻufi" ʻoku ngāueʻaki pē ʻi he lea faingofua.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
