Ang kikil ay isang uri ng kagamitang pangkamay na ginagamit na panghubog sa isang bagay sa pamamagitan ng paghiwa. Karaniwan itong isang bareta o halang ng bakal na napapaligiran ng magkakasunod na mga talim at magkakapantay at tuwid na mga usli o "ngipin". Kalimitan itong mayroon isang bahagi na nalalagyan ng hawakan na matatanganan ng kamay. May isang uri ng pangkikil, pangkinis, pangkiskis na may mas malalaki, nakaangat, at hindi magkakapantay na mga ngipin o tulis, at tinatawag na pangalot o rasp sa Ingles. Mas magaspang ang nagiging resulta kapag ginagamit ang pangalot.