Ang Soberanong Ordeng Militar ng Malta, opisyal na Soberanong Ordeng Militar at Ospitalaria ni San Juan ng Herusalem, ng Rodas, at ng Malta, karaniwang kilala bilang Orden ng Malta, Ordeng Malta o mga Kabalyero ng Malta, ay isang Katolikong relihiyosong ordeng laiko, ayon sa tradisyong militar, galante, at marangal. Bagaman wala itong teritoryo, ang order ay isang soberanong entidad ng internasyonal na batas, nagtatamasa ng permanenteng katayuan bilang tagamasid sa mga Nagkakaisang Bansa, at nagpapanatili ng mga diplomatikong ugnayan sa maraming bansa.