Ang Palazzo Malta, na opisyal na pinangalanan bilang Palasyo Mahistral, at kilala rin bilang Palazzo di Malta o Palazzo dell'Ordine di Malta, ay ang punong tanggapan ng Soberanong Ordeng Militar ng Malta, isang Katoliko Romanong ordeng laiko at isang soberanong sumasailalim sa pandaigdigang batas. Matatagpuan ito sa Via dei Condotti, 68 sa Roma, Italya, ilang minutong lakad mula sa mga Hagdanang Espanyol, at ginawaran ng Pamahalaang Italyano ng ekstrateritoryalidad. Ang Palasyo ay naging pag-aari ng Orden ng Malta mula pa noong 1630.