Ang NAIA Expressway ay isang 11.6 kilometrong nakaangat na sistema ng mabilisang daanan sa Kalakhang Maynila, Pilipinas, na nag-uugnay ng Metro Manila Skyway sa Paliparang Pandaigdig ng Ninoy Aquino (NAIA) at Entertainment City. Dumadaan ito sa ibabaw ng Abenida Andrews, Daang Elektrikal, at Daang NAIA at nag-uugnay ng Skyway sa Abenida Ninoy Aquino, Bulebar Macapagal, Bulebar Jose Diokno, at Manila–Cavite Expressway. Ito ang kauna-unahang airport expressway sa Pilipinas. Binuksan ito noong Setyembre 2016. Matatagpuan ito sa mga lungsod ng Pasay at Parañaque.