Ang kampo ng konsentrasyon sa Auschwitz (1940–1945), ay ang pangkat ng mga kampong panlipol ng Partidong Nazi at ipinatayo at pinangasiwaan ng Ikatlong Reich sa mga nasakop na mga lupain ng Alemanyang Nazi sa Poland (Polonya) noong Ikalawang Digmaang Pandaigdig. Ito ang pinakamalaking konsentrasyong kampo na binubuo ng Auschwitz I ; Auschwitz II–Birkenau ; Auschwitz III–Monowitz, na tinatawag ding Buna–Monowitz ; at 45 mga kampong satelayt.