Ang Abenida Katipunan ay isang pangunahing abenida sa Lungsod Quezon, Kalakhang Maynila, Pilipinas. Dumadaan ito sa direksyong mula hilaga-patimog, mula Abenida Magsaysay sa paligid ng Unibersidad ng Pilipinas Diliman sa hilaga hanggang Abenida White Plains sa timog. Isa itong pambansang daan ng Pilipinas, kung saan bahagi ito ng Daang Palibot Blg. 5 sa pagitan ng Abenida Tandang Sora at Abenida Bonny Serrano.