Kapuluang Pitcairn

Ang Kapuluan ng Pitcairn ay isang pangkat ng mga pulo na nasa katimugang Pasipiko. Ang mga tao ay namumuhay lamang sa pangalawang pinakamalaking pulo ng kapuluang binubuo ng apat na mga pulo. Ang pulong ito ay pinangalanang "Pitcairn". Pinamamahalaan ito ng Nagkakaisang Kaharian. Ito ang mayroong pinakamaliit na dami ng mga tao sa anumang bansa. Noong 2007, 48 mga tao ang naninirahan dito.

Kapuluang Pitcairn
British overseas territories, kapuluan, political territorial entity
Watawat Eskudo de armas
Mga koordinado: 25°04′04″S 130°06′16″W
Bansa	United Kingdom
Lokasyon	British overseas territories, United Kingdom
Itinatag	1838
Kabisera	Adamstown
Pamahalaan
• Mayor of the Pitcairn Islands	Charlene Warren-Peu
Lawak
• Kabuuan	47 km2 (18 milya kuwadrado)
Populasyon  (2019)
• Kabuuan	50
• Kapal	1.1/km2 (2.8/milya kuwadrado)
Wika	Ingles
Websayt	https://www.government.pn/

Ang kapuluan ay higit na nakikilala bilang tahanan ng mga kinaapuhan ng ng mga nanghimagsik sa Bounty at ng mga Tahitiano (o mga Polinesyo) na sumama sa kanila, isang kaganapang muling isinalaysay sa maraming mga aklat at mga pelikula. Ang kasaysayan ay nagpapakita pa rin ng mga apelyido ng maraming mga taong ito. Mayroon lamang apat na mga apelyido ng mga pamilya (magmula noong 2010): Christian, Warren, Young at Brown.

Kasaysayan

Sa una, ang mga tao mula sa Polinesya ay nanirahan sa Kapuluang Pitcairn, subalit walang nanirahan sa mga pulo noong matuklasan (matagpuan) ang mga ito ni Kapitan Philip Carteret ng HMS Swallow noong 2 Hulyo 1767. Ang pulo ay pinangalanan magmula kay Robert Pitcairn, isang guardiyamarina (midshipman sa Ingles) na labinlimang taong gulang, na unang taong nakalulan sa HMS Swallow na nakakita sa pulo. Pinaniniwalaang si Robert Pitcairn ay naligaw sa dagat noong kaagahan ng 1770 nang ang barkong sinasakyan niya, ang HMS Aurora, ay nawala sa Karagatan ng India.^[1]

Mga sanggunian

1. "Major John Pitcairn". Henderson Island Website. Inarkibo mula sa orihinal noong 2008-04-22. Nakuha noong 2008-07-27.{{cite web}}: CS1 maint: date auto-translated (link)