Ang UTC (Ingles: Coordinated Universal Time, lit. na 'Pangkalahatang Tugmang Oras') ay ang pangunahing pamantayang oras na kung saan inaayos ng mundo ang mga orasan at oras. Nasa loob ito ng isang segundo ng gitnang oras ng solar (tulad ng UT1) sa 0° longhitud (sa Reperensyang Meridiyanong IERS bilang kasalukuyang ginagamit na punong meridyano) at hindi inakma para sa daylight saving time (o oras na nakapagtitipid ng liwanag ng araw). Ito ang epektibong kahalili sa Greenwich Mean Time (GMT) o Gitnang Oras ng Greenwich.
![Thumb](http://upload.wikimedia.org/wikipedia/commons/thumb/8/88/World_Time_Zones_Map.png/640px-World_Time_Zones_Map.png)
Nagsimula noong Enero 1, 1960 ang koordinasyon ng oras at prekuwensya ng mga transmisyon sa mundo. Unang opisyal na pinagtibay ang UTC bilang Rekomendasyong CCIR 374, Standard-Frequency and Time-Signal Emissions, noong 1963, subalit ang opisyal na pagdadaglat ng UTC at ang opisyal na pangalang Ingles (kasama ang katumbas sa Pranses) ay hindi pinagtibay hanggang noong 1967.[1]
Binago ng ilang beses ang sistema, kabilang ang maikling panahon na ang koordinasyong-oras ng mga sensyas ng radyo ay sinamhimpapawid sa parehong UTC at "Stepped Atomic Time (SAT)" bago naipatupad ang bagong UTC noong 1970 at naipatupad noong 1972. Pinagtibay din ng pagbabagong ito ang segundong bisyesto upang simplehan ang mga pag-aakma sa hinaharap.[2] Pinagtibay ng Pangkalahatang Pagpupulong sa mga Bigat at Sukat ang isang resolusyon na baguhin ang UTC sa isang bagong sistema na tatanggalin ang segundong bisyesto sa 2035.[3]
Mga sanggunian
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.