From Wikipedia, the free encyclopedia
Ang Ereksiyon ng titi o Paninigas at pagtayo ng titi ay isang kaganapang pampisyolohiya kung saan ang titi ng lalaking tao ay lumalaki, namimintog at matigas. Ang ereksiyong pangtiti ay resulta ng isang masalimuot na interaksiyon ng mga bagay na sikolohikal, neural, baskular, at endokrin, at pangkaraniwan ngunit hindi eksklusibong may kaugnayan sa pagkapukaw na seksuwal o pagkabighaning seksuwal. Ang pagtayo at pagtigas ng titi habang natutulog ay nakikilala bilang panggabing pamimintog ng titi, na tinatawag na nocturnal penile tumescence sa wikang Ingles.
Ayon sa Harvard Medical School Family Health Guide, ang normal na ereksiyon ng titi ay hindi lamang kinasasangkutan ng titi lamang, bagkus ay kinasasangkutan ng buong katawan ng tao. Nagsisimula ito kapag ang isipan at mga pandama ng tao ay nakadama ng pagkapukaw na seksuwal. Pagkaraan nito, ang mga dulo ng mga nerb ay naglalabas ng isang mensaherong kimikal na nagpapaluwang ng mga daluyan ng dugo na nasa titi. Dahil sa pagluwang na ito ng mga daluyan ng dugo, ang dalawang kaban na "pampagalit" o pampatigas at pagtayo ng titi (ang mga kabang ito ay may laman na tisyung parang espongha) ay napupuno ng dugo upang lumaki, mamaga, at humaba, na nagdurulot ng ereksiyon.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.