Krus (sagisag)

Para sa ibang mga gamit, tingnan ang Krus.

Ang krus ^[1] o kurus ay isang bagay na hugis "†" (maliit na T na walang buntot), karaniwang yari (ngunit hindi lamang) sa dalawang tabla ng kahoy. Namatay si Hesus sa pamamagitan ng pagpapako sa krus.^[2] Ang krusipiho,^[3] ay isang bagay na matatagpuan sa mga dalanginan o altar, at naiiba sa krus sapagkát may imahen ng Kristong nakapako na nakalagay dito.

Krus.

Bagaman may salitang krusan, mas angkop ang krusan sa paggawa o paglalagay ng hugis na ekis o "X", na natatawag ding krus.^[3]

Tanda ng Krus

Kaugnay ng krus ang pag-aantanda, pagkukrus, o pagsasangalan ng ama. Nagmula ang antanda ("ang tanda") mula sa katagang ang tanda ng Santa Krus, isáng panalanging Katólikong binibigkás bilang pambungad at pangwakás ng mga panalangin.

Teksto at kilos ng dasal

Sa Ngalan ng Ama (idampì ang mga dalirì ng kanang kamáy sa noó)

At ng Anak (idampì ang mga dalirì sa dibdíb)

At ng Espíritu (idampì ang dalirì sa kaliwáng balikat) Santo (idampì ang dalirì sa kanang balikat)

Amen. (kaugalián ng iba ang halikán ang mga daliring pinang-Antanda, o idampì sa babà ang mga ito.)