Cainta

Para sa makasaysayang kaayusan ng pamahalaan, tingnan ang Cainta (makasaysayang kaayusan ng pamahalaan).

Ang Cainta (pagbigkas: ka•ín•tâ) ay isang bayan sa lalawigan ng Rizal, Pilipinas. Ito ang pinakama-unlad na bayan ng lalawigan, isa sa pinakamatanda (itinatag nong 1571), at ang bayang may pinakamaliit na sukat.

Munisipyo ng Cainta, Rizal

Cainta Bayan ng Cainta
Bayan
Mapa ng Rizal na nagpapakita sa bayan ng Cainta.
Cainta Lokasyon sa Pilipinas
Mga koordinado: 14°34′N 121°07′E
Bansa	Pilipinas
Rehiyon	Calabarzon (Rehiyong IV-A)
Lalawigan	Rizal
Distrito	— 0405805000
Mga barangay	7 (alamin)
Pagkatatag	1571
Pamahalaan
• Punong-bayan	Johnielle Keith Nieto (NPC
• Manghalalal	161,747 botante (2022)
Lawak  [1]
• Kabuuan	42.99 km2 (16.60 milya kuwadrado)
Populasyon  (Senso ng 2020)
• Kabuuan	376,933
• Kapal	8,800/km2 (23,000/milya kuwadrado)
• Kabahayan	90,707
Ekonomiya
• Kaurian ng kita	ika-1 klase ng kita ng bayan
• Antas ng kahirapan	3.57% (2021)[2]
• Kita	₱ 1,982 million (2022)
• Aset	₱ 3,767 million (2022)
• Pananagutan	₱ 1,487 million (2022)
• Paggasta	₱ 1,253 million (2022)
Kodigong Pangsulat	1900
PSGC	0405805000
Kodigong pantawag	2
Uri ng klima	Tropikal na monsoon na klima
Mga wika	wikang Tagalog Ingles
Websayt	cainta.gov.ph

Ang Cainta ang nagsisilbing bukanang daanan sa kabuuan ng lalawigan ng Rizal at isa sa mga urbanisadong bayan ng Rizal dahil sa kalapitan nito sa Maynila, kaya't sinasabing ang katagang "Ang iyong daan tungong Silangan" (Your Gateway to the East). Sinasabi rin na ang bayan na ito bilang "Kabisera ng Bibingka ng daigdig" (Bibingka Capital of the World).

Heograpiya

Naghahanggan ang bayan sa Lungsod ng Marikina at San Mateo sa hilaga, sa kanluran ng Lungsod ng Pasig, at sa silangan at timog ng Taytay. Ang bayan ay nasa lambak ng Marikina, at 10% nito ay mga dalisdis ng mga burol, at 90% naman ay nauuri sa residential-industriyal. Pinakamaraming ilog at sapa sa Cainta sa buong Rizal. Ang mga dalubhasa sa kasaysayan ay sinasabi na ang lumang hangganang heograpikal ay kinapalolooban ng mga dalisdis ng bundok ng Montalban.

Mga Barangay

Ang bayan ng Cainta ay nahahati sa 7 barangay. Noong kalagitnaan ng 1990, nagpetisyon ang Cainta sa pamahalaang lalawigan ng Rizal na ipasa ang pagdadagdag ng mga barangay, na magtutuos sa 25 mga barangay. Ang proposal ay kasalukuyang pa ring nakabinbin.

Barangay	Population (2000)
San Andres (Pob.)	61,708
San Isidro	32,730
San Juan	91,196
San Roque	7,646
Santa Rosa	1,519
Santo Domingo	41,084
Santo Niño	6,628

Demograpiko

Senso ng populasyon ng
Cainta

Taon	Pop.	±% p.a.
1903	1,761	—
1918	2,686	+2.85%
1939	3,075	+0.65%
1948	3,692	+2.05%
1960	6,803	+5.22%
1970	20,714	+11.76%
1975	36,971	+12.32%
1980	59,025	+9.80%
1990	126,839	+7.95%
1995	201,550	+9.07%
2000	242,511	+4.05%
2007	304,478	+3.19%
2010	311,845	+0.87%
2015	322,128	+0.62%
2020	376,933	+3.14%
Sanggunian: PSA[3][4][5][6]

Ayon sa senso noong taong 2000, may populasyon itong 242,511 sa may 51,863 kabahayan. Ang populasyon ng Cainta ay binubuo ng 80% Katoliko, 10% Protestante, at 10% ng ibang sekta kabilang na ang Iglesia ni Cristo, Muslim at iba pa. Halos lahat ng mamamayan ng Cainta ay nagsasalita ng Tagalog.

Mga Lahing Sepoy

May ilan ilan sa populasyon ay nagmula sa lahi ng mga Indiyanong sundalo na lumaban laban sa mga Sandatahang Briton nang ang mga Briton ay sandaling sinakop ang Pilipinas noong 1762 hanggang 1763. Ang mga sundalong Indiyano na ito ay tinawag na Sepoy na nanirahan sa bayan at nakipag-asawa sa mga katutubong kababaihan nito. Ang mga lahing Sepoy ay kitang kita parin sa ngayon, lalung lalo na sa Barrio Dayap malapit sa Bgy. Sto Niño. Ang kanilang kakaibang pisikal na itsura ay nagiging dahilan upang sila ay maging iba sa pangkaraniwang Pilipino na ang pangunahing nagmula sa Malay at Intsik.

Kultura

Noong Panahon ng modenisasyon sa Cainta, ang mga tradisyon ay naging mas marangya, lalo na tuwing mahal na araw. Ang pinakakilalang ritwal ay ang Cenakulo (isang palabas na nagpapakita sa pagpapahirap at pagkamatay ni Kristo) at ang Ang Pagpapapako (isang palabas sa pagpako sa krus ni Kristo).