Kabiyak sa isang kasal o unyon From Wikipedia, the free encyclopedia
Ang asawa (mula sa Sanskrito: स्वामी [svāmī]) ay ang walang-kasariang katawagan para sa esposo o asawang lalaki o kaya para sa esposa o asawang babae. Ngunit maaari ring tumukoy sa isang kasama o kinakasama sa buhay.[1] Iba pang taguri sa asawa ang pagiging kabiyak, maybahay (kung babae), ina ng mga bata, ginang (ng tahanan), misis (ng mister), lakay (kung lalaki), bana (kapag lalaki), ama ng mga bata, mister (ng misis).[2]
Kaugnay ito ng salitang mag-asawa na tumutukoy sa pagpapakasal o kaya sa isang pares[3] ng mga tao na nagsasama dahil sa kasal o matrimonyo.
Kaugnay ng Kristiyanismo, inilalarawan si Hesus bilang ang "esposo ng Iglesya" o "esposo ng Simbahan", at ang "kaibigan ng esposo" (ang kaibigan ni Hesus) ay si Juan Bautista. Ito ang paliwanag ni Jose C. Abriol na nasa Ebanghelyo ni Juan (Juan 3:29).[4] Sa Bagong Tipan ng Bibliya, sa Unang Sulat sa mga taga-Corinto (1 Corinto 7:36-38), binabanggit na makapaglilingkod na lalong mabuti ang taong walang asawa kaysa may-asawa, na dahil kung bakit ipinagbabawal ng Simbahang Katoliko o ng Iglesya Katolika ang pag-aasawa ng mga pari. Gayundin sa Ebanghelyo ni Mateo (Mateo 19:10-12), kung saan pinangangaral na mas mabuti pa ang di-pag-aasawa kaysa buhay-may-asawa kapag isinasagawa alang-alang sa Diyos.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.