espesye ng isda From Wikipedia, the free encyclopedia
Ang ayungin (Leiopotherapon plumbeus) o silver perch[1] ay isang uri ng isda sa pamilyang Terapontidae. Endemiko ito sa Pilipinas, at may iba't ibang pangalan ito maliban sa ayungin, tulad ng bugaong, bigaong, at bagaong.[1]
Ayungin | |
---|---|
Mga ayungin na ibinebenta sa isang palengke sa Pilipinas. | |
Klasipikasyong pang-agham | |
Dominyo: | Eukaryota |
Kaharian: | Animalia |
Kalapian: | Chordata |
Hati: | Actinopterygii |
Orden: | Perciformes |
Pamilya: | Terapontidae |
Sari: | Leiopotherapon |
Espesye: | L. plumbeus |
Pangalang binomial | |
Leiopotherapon plumbeus (Kner, 1864) | |
Kasingkahulugan | |
Datnia plumbea Kner, 1864 |
Umaabot ang espesye ng 16 sentimetro sa pinakamahabang haba.[2]
Nagtataglay ang espesye na ito ng pangangalaga ng ama, na naoobserbahan na binabantayan at inaasikaso ng mga lalaking ayungin ang mga itlog.[3]
Hinuhuli at kinakain ang mga isda ng mga lokal. Itinuturing ito na isa sa mga pinakamasarap na katutubong isda sa tubig-tabang sa Pilipinas. Pakonti nang pakonti ang suplay nito dahil sa labis na pangingisda, at bihira na ito ngayon sa mga pamilihan, kaya medyo mahal na ito.[4]
Humina ang populasyon ng ayungin dahil sa labis na pangingisda.[4] Noong 1991, ito ang pinakasaganang isda sa Laguna de Bay, ang pinakalaking lawa sa Pilipinas; mula noong 2002, ito ang ikatlong pinakasagana. Nag-ambag ang sedimentasyon at polusyon sa pagbaba ng populasyon sa lawa.[5]
Pinapalaki ang isda sa mga proyetong pagpapalahi ng mga nahuli, kung saan lumalaki ito ng mabuti sa diyetang binubuo ng pagpapakain ng sugpo at bulateng tubifex.[4] Dindosis ito na mga hormona upang hikayating mangitlog.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.