Wikaing Gyeongsang
From Wikipedia, the free encyclopedia
Ang Wikaing Gyeongsang ay isang diyalekto o wikain ng Wikang Koreano na kadalasang ginagamit sa rehiyon ng Yeongnam kabilang ang mga lalawigan ng Hilaga at Timog Gyeongsang. Ang Wikang Gyeongsang ay tinuturing na direktang nanggaling sa Wikang Silla ng mga tagapagsalita ng Koreano. Ang mataas na tono sa pagbibigkas ay ang nagpapaiba sa Wikang Gyeongsang mula sa tunay na Wikang Koreano. Higit kumulang sa sampung milyong Koreano ang nakakapagsalita ng Wikang Gyeongsang.
Marami rin pagkakaiba ang Wikang Gyeongsang sa bawat lugar sa rehiyon ng Yeongnam. Ang katutubong tagapagsalita ay malalaman ang taga Daegu mula sa taga Busan. Ang anyong pangwika ay halos pareho sa kahabaan ng Ilog Nakdong ngunit naiiba na sa bandang Busan, Jinju, at Pohang, at maging sa silangang bahagi ng Bundok Jiri.