Prostata
From Wikipedia, the free encyclopedia
Ang prostata o prosteyt (Ingles: prostate, mula sa Griyegong p??st?t?? - prostates, literal na "isang tao na nakatindig sa harapan", "tagapagtanggol", "tagapagsanggalang", "tagapag-alaga", "katiwala"[1]) ay isang langkapan o tambalan na tubulo-albeolar na glandulang eksokrin ng panlalaking sistemang reproduktibo sa karamihan ng mga mamalya.[2][3]
Sa mga lalaking tao, ang prostata ay isang glandulang kasukat ng walnut na nakapaligid sa yuritra at nakalagay sa ilalim ng pantog (bahay-tubig). Nag-aambag ito ng ilang dami ng ibang mga sustansiya sa pluwidong seminal habang nagaganap ang ehakulasyon. Sa mas may edad na mga lalaki, lumalaki ang glandulang ito at maaaring magdulot ng ilang mga suliranin sa pag-ihi.[4]
Noong 2002, ang pambabaeng mga glandulang para-uretral, o mga glandula ni Skene, ay opisyal na muling pinangalanan bilang pambabaeng prostata ng Federative International Committee on Anatomical Terminology (Pederatibong Internasyunal na Lupon sa Terminolohiyang Anatomikal).[5]
Ang prostata ay magkakaiba sa piling ng iba't ibang mga espesye ayon sa anatomiya, kimika, at pisyolohiya.