From Wikipedia, the free encyclopedia
Ang panahon ng bagyo sa Pasipiko ng 2024 ay ang panahon ng bagyo na taunang nagaganap sa hilagang-kanlurang bahagi ng Karagatang Pasipiko. Bagamat taunan, nagiging aktibo ito pagsapit ng buwan ng Mayo hanggang Oktubre. Ang unang bagyo na nabuo at pinangalanan sa loob ng lugar ng responsibilidad, Aghon, ay nabuo noong Mayo 22 na kalaunan ay tumama sa Pilipinas at lumakas bilang ang unang matinding bagyo ng taon.
![]() | Marami pong problema ang artikulong ito. Tulungang mapabuti po ito o di kaya'y talakayin ang mga problemang nakasaad sa pahina ng usapan nito.
|
![]() | Mga paalala patungkol sa artikulo:
|
Panahon ng bagyo sa Pasipiko ng 2024 | |
---|---|
![]() Mapa ng mga dinaanan ng bagyo sa panahong ito | |
Hangganan ng panahon | |
Unang nabuo | Mayo 22, 2024 |
Huling nalusaw | Hindi pa tukoy |
Pinakamalakas | |
Pangalan | Carina (Gaemi) |
• Pinakamalakas na hangin | 165 km/o (105 mil/o) (10-minutong pagpanatili) |
• Pinakamababang presyur | 940 hPa (mbar) |
Estadistika ng panahon | |
Depresyon | 14 |
Mahinang bagyo | 10 |
Bagyo | 3 |
Superbagyo | 0 (di-opisyal) |
Namatay | 155 |
Napinsala | $344 milyon (2024 USD)(PHP19.65 bilyon) |
Limitado ang artikulong ito sa Karagatang Pasipikong nasa itaas ng ekwador sa pagitan ng 100° silangan at ika-180 meridyan. Sa loob ng bahaging ito ng Pasipiko, may dalawang pangunahing ahensiyang nagpapangalan sa mga bagyo na nagiging dahilan para magkaroon ng dalawang pangalan ang iisang bagyo. Papangalanan ng Ahensiyang Pampanahon ng Hapon (Japan Meteorological Agency, JMA) ang isang sama ng panahon kung ito ay may 10-minutong napapanatiling bilis ng hangin na hindi bababa sa 65 kilometro kada oras (40 milya kada oras) saanman sa nasasakupang lugar, samantalang pinapangalanan naman ng Pangasiwaan ng Pilipinas sa Serbisyong Atmosperiko, Heopisiko, at Astronomiko (PAGASA) ang mga dumadaan na bagyo o nagiging depresyong tropikal (tropical depression) sa loob ng kanilang lugar ng responsibilidad sa pagitan ng 135° sa silangan hanggang 115° sa silangan at sa pagitan ng 5° hilaga hanggang 25° hilaga kahit na wala pang binibigay na pangalan ang JMA. Ang mga minamanmanan na depresyon ng Joint Typhoon Warning Center (JTWC) ng Estados Unidos ay binibigyan ng isang numero at hulaping "W."
Ginagamit ng artikulong ito ang pangalan na binigay ng PAGASA. Para naman sa mga bagyong di pinangalanan ng PAGASA, gagamitin ang pangalan nito sa buong mundo, nang ''nakapahilis''.
Petsa ng pagtataya ng TSR | Bagyo | Malubhang bagyo | Matinding bagyo | ACE | Sanggunian |
---|---|---|---|---|---|
Kadalasan (1991–2020) | 25.5 | 16.0 | 9.3 | 301 | [1] |
Mayo 7, 2024 | 25 | 15 | 7 | 225 | [1] |
Hulyo 5, 2024 | 24 | 14 | 7 | 211 | [2] |
Petsa ng Pagtataya ng PAGASA | Sakop | Bagyo | Sanggunian | ||
Enero 15, 2024 | Enero-Marso | 0-2 bagyo | [3] | ||
Enero 15, 2024 | Abril-Hunyo | 2-4 bagyo | [3] | ||
Hunyo 26, 2024 | Hulyo-Setyembre | 6-10 bagyo | [4] | ||
Hunyo 26, 2024 | Oktubre-Disyembre | 4-7 bagyo | [4] | ||
Panahon ng 2024 | Ahensiya | Bagyo | Mahinang bagyo | Matinding bagyo | Sang. |
Aktwal na aktibidad | JMA | 14 | 10 | 3 | |
Aktwal na aktibidad | JTWC | 11 | 8 | 4 | |
Aktwal na aktibidad | PAGASA | 4 | 3 | 2 |
Taon-taon naglalabas ang iba't ibang mga ahensiyang pampanahon ng maraming bansa ng kani-kanilang mga pagtataya patungkol sa kung ilan ang mabubuong bagyo sa isang panahon, o di kaya'y ilang bagyo ang makakaapekto sa isang partikular na bansa o rehiyon. Kasama sa mga ahensiyang ito ay ang Konsorsyo sa Peligro ng Bagyo (Tropical Storm Risk Consortium) ng University College London, ang PAGASA ng Pilipinas, at ang Kawanihang Sentral ng Panahon ng Taiwan.
Noong Mayo 7, inilabas ng Tropical Storm Risk (TSR) ang unang pagtataya nito para sa 2024 season, hinulaan na ang tropikal na aktibidad para sa 2024 ay mas mababa sa average na may 25 na pinangalanan bagyo, 15 na bagyo at 7 na malalakas na bagyo. Ito ay sa kadahilanan ng kasalukuyang El Niño sa panahong iyon, na inaasahan na mapalitan sa mahina o katamtamang La Niña sa kalagitnaan ng taon.[1] Sa kanilang pagtataya sa Hulyo, ibinaba nila ang inaasahang mga bagyo para sa taong ito.[2]
Sa pagtataya naman ng PAGASA para sa unang kalahati ng taon, 0-2 na bagyo ang inaasahang mabubuo o papasok sa kanilang lugar ng responsibilidad para sa buwan ng Enero hanggang Marso habang 2-4 na bagyo naman para sa buwan ng Abril hanggang Hunyo.[3] Sa kanilang pagtataya naman para sa nalalabing bahagi ng taon, 6-10 na bagyo ang inaasahan nila para sa buwan ng Hulyo hanggang Setyembre at 4-7 na bagyo mula Oktubre hanggang sa katapusan ng taon.
Walang nabuong bagyo sa halos limang buwan hanggang sa Mayo 22 nang may nabuong isang tropikal na depresyon sa timog-silangan ng Palau. Ito ay kalaunang pinangalanang Aghon ng PAGASA. Sumunod ay nag-landfall si Aghon nang siyam na beses sa Pilipinas: Isla ng Homonhon; Giporlos, Eastern Samar; mga Isla ng Basiao at Cagduyong ng Catbalogan, Samar; Batuan, Masbate; Masbate City; Torrijos, Marinduque; Lucena at Patnanungan, Quezon. Nang maglaon, ito ay binigyan ng pangalang Ewiniar ng JMA at sa kalaunan ay lumakas bilang isang typhoon sa Dagat Pilipinas. Kumilos ito papunta sa bansang Hapon at naging extra-tropikal na bagyo nong Mayo 30. Sa parehong araw, isang panibagong depresyon ang nabuo sa timog-kaliwa ng Haikou at pinangalanang Maliksi ng JMA. Kinabukasan ay tumama din ito sa Tsina at nalusaw noong Hunyo 2.
Pagkatapos ng isang buwan ng inaktibidad, isang depresyon ang nabuo ng Hulyo 13 at pinangalanang 03W ng JTWC na kalaunan ay nag-landfall sa bansang Vietnam. Sumunod, dalawang depresyon ang nabuo sa magkabilang-gilid ng Pilipinas; ang depresyon sa kanluran ay pinangalanang Butchoy habang ang nasa silangan ay pinangalanang Carina. Pagkatapos ay agad ding lumabas ng PAR ang bagyong Butchoy at lumakas bilang bagyong Prapiroon habang ito ay patungo ng Hainan habang lumapit naman sa Luzon ang bagyong Carina na lumakas din bilang bagyong Gaemi. Noong Hulyo 21, nag-landfall sa Hainan si Prapiroon habang patuloy na lumalakas at kumikilos na pa-hilaga si Gaemi. Pagkatapos ay lumakas pa si Prapiroon sa Golpo ng Tonkin at naglandfall sa Hilagang Vietnam. Dahil sa magandang kondisyon ng kinalalagyan ni Gaemi, mabilis itong lumakas at naging isang super-bagyo, ayon sa PAGASA, habang tinutumbok nito ang bansang Taiwan. Nang hatinggabi ng Mayo 25, nag-landfall si Gaemi sa Taiwan at tuluyan na ding nakalabas ng PAR pagkatapos ng ilang oras.
Ang Bagyong Aghon ay ang unang bagyong pumasok sa Pilipinas sa taong 2024. Ito ay unang namataan bilang Low Pressure Area (LPA) sa layong 350km hilaga ng bansang Papua New Guinea sa Karagatang Pasipiko. Ito ay kumikilos sa bilis na 10kph sa direksyong kanluran-hilagang kanluran at naging isang ganap na bagyo sa layong 250 kilometro sa silangan ng Dinagat Islands sa Mindanao. Ika-Mayo 26 nang mag landfall ang bagyo sa isla ng Homonhon sa bayan ng Guiuan sa lalawigan ng Silangang Samar at kumilos sa direksyong hilagang kanluran. Tumama ang bagyo sa bayan ng Batuan at lungsod ng Masbate sa Masbate bago tumawid ang Dagat Sibuyan at muling nag landfall sa bayan ng Torrijos, Marinduque sa Baybaying Tayabas at sa lungsod ng Lucena. Kumilos ang sirkulasyon sa direksyong pa hilagang silangan bago lumabas sa Baybaying Lamon, silangan ng Mauban sa Quezon. Kalaunan ay lumakas lalo ito at tumama sa bayan ng Patnanungan bago ito tuluyang lumayo sa Pilipinas. Tumama ito sa isla ng Minamidaitōjima bago ito ay naging extra-tropikal kalaunan sa silangan ng Hapon noong Mayo 30.
Umabot sa ₱1.02 billion ang naging pinsala ni Aghon sa agrikultura at imprastraktura at kumitil ng 6 na buhay at 8 ang nasugatan mula sa bagyo. Libo-libo ang direktang na-apektuhan ng bagyo sa Pilipinas.[5] Natala naman ang malakas na bugso ng hangin ng bagyo sa Hapon.
Namataan ang LPA ng magiging Bagyong Butchoy sa silangan ng Mindanao. Unti-unti itong umakyat at tinawid ang Visayas at Timog Luzon hanggang sa nakalabas ito ng Kanlurang Karagatan ng Pilipinas. Pagdating ng 8 p.m. (12:00 UTC) ng Hulyo 19, nabuo ito bilang isang depresyon sa may 535 kilometro kanluran ng Lungsod ng Tanuan sa Batangas.
Namataan ang isang LPA sa malayong silangan ng Silangang Visayas sa Dagat Pilipinas noong Hulyo 19. Pagdating ng 8 p.m. (12:00 UTC) sa parehong araw na iyon, nabuo ito bilang Bagyong Carina. Kalaunan ay lumapit ito sa Luzon at lumakas na kung saan ay pinangalanang Gaemi ng JMA ang bagyo.
Nabuo si Bagyong Maliksi bilang isang depresyon sa timog-silangan ng Haikou sa bansang Tsina noong Mayo 30. Ito ay mabagal na kumilos pa-hilaga hanggang sa pinangalanan ng JMA ang bagyo nang Maliksi nang sumunod na araw. Ngunit, pinatili ng JTWC ang pagiging depresyon nito hanggang sa mag-landfall ito sa Tsina ng madaling araw ng Hunyo 1. Ito ay nalusaw bilang LPA pagkalipas nang isang araw habang kumikilos pa-silangan patungong Taiwan.
Gagamitin ng PAGASA ang mga pangalang huling ginamit noong panahon ng 2020, kung saan 22 ang pumasok sa Sakop na Responsibilidad nito. Ang mga pangalang Aghon, Querubin, Romina and Upang ay inaasahang gagamitin sa kauna-unahang pagkakataon sa taong ito, matapos nitong palitan ang mga pangalang Ambo, Quinta, Rolly at Ulysses.
|
|
|
|
|
|
|
|
|
|
Ang JMA ang nagpapangalang sa mga bagyong may taglay na 65 kilometro kada oras o higit pa, sa loob ng 10 minuto. Ito ay kinukuha nila sa listahan ng 140 na pangalan, na nanggaling sa 14 na bansa at teritoryo na kabilang sa komite ng ESCAP/WMO.
|
|
|
|
Pangalan | Petsang aktibo | Tugatog | Bilis ng hangin | Presyur | Naapektuhan | Pinsala (USD) |
Namatay | Sang. |
---|---|---|---|---|---|---|---|---|
Mga pumasok o nabuo sa loob ng Sakop na Responsibilidad ng Pilipinas | ||||||||
Aghon (Ewiniar) | Mayo 22–30 | Malakas na bagyo | 130 km/h (80 mph) | 980 hPa (28.94 inHg) | Pilipinas, Hapon, Alaska | $20.88 milyon (PHP 1.19 bilyon) | 6 | [5] |
Buchoy (Prapiroon) | Hulyo 19–24 | Malubhang bagyo | 110 km/h (70 mph) | 980 hPa (28.94 inHg) | Pilipinas, Timog Tsina, Vietnam, Laos, Thailand, Cambodia | $18.9 milyon >(PHP >1.08 bilyon) | 23 | |
Carina (Gaemi) | Hulyo 19–27 | Malakas na bagyo | 165 km/h (105 mph) | 940 hPa (27.76 inHg) | Pilipinas, Taiwan, Silangang Tsina, Mga Isla ng Yaeyama, Indonesia, Cambodia, Singapore, Hilagang Korea | $304 milyon (PHP 17.37 bilyon) | 126 | |
Dindo (Jongdari) | Agosto 17-21 | Bagyo | 75 km/h (45 mph) | 998 hPa (29.47 inHg) | Taiwan, Mga Isla ng Miyako, Mga Isla ng Yaeyama, Tangway ng Korea | Wala | Wala | |
Mga nasa labas ng Sakop na Responsibilidad ng Pilipinas | ||||||||
Maliksi | Mayo 30–Hunyo 2 | Bagyo | 65 km/h (40 mph) | 998 hPa (29.47 inHg) | Timog Tsina, Taiwan | Di-alam | Wala | |
03W | Hulyo 13–15 | Depresyon | 55 km/h (35 mph) | 1000 hPa (29.53 inHg) | Vietnam, Laos, Thailand | Wala | Wala | |
Ampil | Agosto 3–19 | Malakas na bagyo | 155 km/h (100 mph) | 950 hPa (28.05 inHg) | Mga Isla ng Bonin, Hapon, Alaska | Wala | Wala | |
Maria | Agosto 5–14 | Malubhang bagyo | 100 km/h (65 mph) | 980 hPa (28.94 inHg) | Mga Isla ng Bonin, Hapon | Wala | Wala | |
Son-Tinh | Agosto 10–14 | Bagyo | 65 km/h (40 mph) | 994 hPa (29.35 inHg) | Alaska | Wala | Wala | |
Wukong | Agosto 12-15 | Bagyo | 65 km/h (40 mph) | 1002 hPa (29.59 inHg) | Wala | Wala | Wala | |
Depresyon | Agosto 19-aktibo | Depresyon | Hindi tukoy | 1006 hPa (29.71 inHg) | Wala | Wala | Wala | |
Depresyon | Agosto 19 | Depresyon | 55 km/h (35 mph) | 1006 hPa (29.71 inHg) | Wala | Wala | Wala | |
Depresyon | Agosto 20 | Depresyon | {Hindi tukoy | 1006 hPa (29.71 inHg) | Wala | Wala | Wala | |
Shanshan | Agosto 21-aktibo | Malubhang bagyo | 95 km/h (60 mph) | 992 hPa (29.29 inHg) | Guam, Hilagang Kapuluang Mariana | Wala | Wala | |
Kabuuan ng panahon | ||||||||
14 bagyo | Mayo 22 – Kasalukuyang nangyayari | 165 km/h (105 mph) | 940 hPa (27.76 inHg) | PHP 19.65 bilyon | 155 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.