Orotukan
From Wikipedia, the free encyclopedia
From Wikipedia, the free encyclopedia
Ang Orotukan (Ruso: Оротука́н) ay isang lokalidad urbano (iaang pamayanang uring-urbano o bayan) sa Yagodninsky District ng Magadan Oblast, Rusya, na matatagpuan sa rehiyong Kolyma mga 300 kilometro (190 milya) sa hilaga ng Magadan, sa kanang pampang ng Ilog Orotukan (isang sangay ng Ilog Kolyma).
Orotukan Оротука́н | |
---|---|
Mga koordinado: 62°15′52″N 151°40′13″E | |
Bansa | Rusya |
Kasakupang pederal | Magadan Oblast |
Distritong administratibo | Yagodninsky District |
Itinatag | 1930 |
Populasyon | |
• Kabuuan | 1,531 |
Sona ng oras | UTC+11 ([2]) |
(Mga) kodigong postal[3] | |
OKTMO ID | 44722000071 |
Hango sa ilog ang pangalan nito, na mula sa salitang Yakut na Ortokon na nangangahulugang "maliit na sunog na parang o lugar ng kagubatan".
Noong 1931, nang nakatuklas ng mga reserba ng ginto ang mga heólogo sa mga lambak ng rehiyong Kolyma, nagtayo sila ng isang kampo sa ilog malapit sa kasalukuyang kinaroroonan ng Orotukan. Pagkaraan nito sinimulan ang pagtatayo ng Lansangang Kolyma.
Itinatag ang pamayanan noong kalagitnaan ng dekada-1930. Matatagpuan dito mula 1935, isang kampo sa seksiyong panrehiyon ng sistemang gulag na pinamamahala ng Dalstroy.[4] Noong dekada-1940, itinatag ang isang establisimiyento ng gawaing pagkukumpuni at pabrika para sa mga kagamitang pagmimina. Ginawaran ang Orotukan ng katayuang pampamayanang uring-urbano noong 1953.
Noong panahong Sobyet, isang sentro ng pagmimina at paggagalugad ng ginto ang Orotukan.[7]
Matatagpuan ang pamayanan sa M56 Lansangang Kolyma, na dumadaan mula Magadan hanggang Susuman sa hilaga-kanlurang bahagi ng Magadan Oblast at patungong Yakutsk, ngunit madadaanan lamang nang lubos ang lansangan sa taglamig kung kailang nagyeyelo ang mga ilog sa kahabaan ng ruta. Ang distansiya ng daan sa pagitan ng Orotukan at Magadan ay mga 400 kilometro (250 milya), at halos 1,500 kilometro (930 milya) patungong Yakutsk.
Ang Orotukan ay may malubhang klimang subartiko (Dfc).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.