From Wikipedia, the free encyclopedia
Ang mga orden at mga dekorasyon na ipinagkaloob sa mga sibilyan at mga tauhan ng militar sa Republika ng Pilipinas, ay nakalista sa pamamagitan ng pagkakasunud-sunod ng karapatan sa pangunguna. Ang unang listahan ay ng mga parangal ng sibilyan, na nangunguna sa mga parangal ng militar. Ang susunod na listahan ay ng mga parangal na ipinagkaloob sa militar o dating mga yunit ng militar. Ang mga sibilyang orden at dekorasyon ng Pilipinas ay ipinagkaloob ng Pangulo ng Pilipinas, sa kanyang katungkulan bilang pinuno ng estado. Sa ilang pagkakataon, ang paggawad ng ilang orden at dekorasyon ay nangangailangan ng pagsang-ayon ng Kongreso ng Pilipinas.
Ang pansibilyan na karapatan sa pangunguna, na itinalaga ng Kodigo ng Pagpaparangal ng Pilipinas (EO Blg. 236) ay ang mga sumusunod:
Ibig sabihin, ang Krus ng Serbisyo ni Quezon, halimbawa, ay ang pinakamataas; na sinundan ng mga Orden ni Lakandula, Sikatuna at ng Lehiyon ng Karangalan (Pilipinas), lahat ay nabibilang sa parehong ranggo, na mas mataas naman sa Orden ni Gabriela Silang, atbp.
Ang Pilipinas ay isang natatanging halimbawa ng pagkakaroon ng mga orden at dekorasyon na magkakapantay ang ranggo, ito ay sumasalamin sa mga kalagayan na lumiligid sa pagkakatatag ng ibang mga parangal.
Kasama ang mga Pang-estadong parangal na nabanggit sa itaas, itinatag ng Republika ng Pilipinas ang nag-iisang orden ng pagka-kabalyero sa pamamagitan ng Batas Republika Blg. 646 bilang pagpaparangal sa mga hangad at mga ideya ng pambansang bayani na si Gat. Jose Rizal. Ito ay ang Orden ng mga Kabalyero ni Rizal. Ito ay nasa pinakamababang ranggo ng mga orden ng kahusayan sa Pilipinas
Ito ang mga dekorasyong panghukbo na kumikilala sa paglilingkod pati na sa mga katuparang naisasagawa ng mga miyembro o mga yunit ng Sandatahang Lakas ng Pilipinas (Hukbong Katihan, Hukbong Himpapawid, Hukbong Dagat at Hukbong Kawal Pandagat)
Upang makilala ang mga pansarili at pangyunit na katuparan ng mga miyembro nito, inilatag ng mga Katulong ng Tanod Baybayin ng Pilipinas, na may paggabay ng TBP, ang sarili nitong sistema ng mga parangal at dekorasyon.
Kinikilala ng Pambansang Pulisya ng Pilipinas ang sari-sariling kasanayan, katapangan sa harap ng kalaban, at mga kahusayan ng mga tauhan nito sa pamamagitan ng paggawad ng mga dekorasyon at medalya.
Ang mga parangal at dekorasyon ng PPP ay alinsunod sa mga orden at medalya ng SLP dahil ang mga pinanggalingan nitong mga kagawaran, ang Hukbong Pamayapa ng Pilipinas at ng Pinagsamang Pulisyang Pambansa ny napapasailaliman ng SLP noon.
Ang mga parangal na iginawad, at ang mga may hawak nito, noon bago pagsamahin ang HPP at PPP ay kinikilala pa rin ng Pambansang Pulisya.
Matapos ang pagkakalathala ng Batas para sa PPP 1991, inilipat sa Kagawaran ng Interyor at Pamahalaang Lokal ang kontrol sa Pambansang Pulisya ng Pilipinas, Kawanihan ng Pamamahala ng Kulungan at Penolohiya at ng Kawanihan ng Pagtatanggol sa Sunog mula sa Sandatahang Lakas. Itinatag ng KPKP ang sarili nitong sistema ng mga parangal at dekorasyon.
Ang konsolidasyon ng Sistema ng Pagpaparangal sa Pilipinas noong 2003 ay nagbunga ng paghinto sa pagbibigay ng marami-raming parangal. Ang mga parangal na ito ay mananatili habang buhay ang huling pinagkalooban ng nito, at matatamasa pa rin ang mga pribilehiyo't karapatan kaloob nito. Sa pagkamatay ng pinakahuling nabubuhay na tagatanggap ay mahihinto na ang nasabing parangal at hindi na magagamit muli.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.