![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0f/Colon_Street-Osme%25C3%25B1a_Boulevard_intersection_close-up_%2528Cebu_City%253B_09-05-2022%2529.jpg/640px-Colon_Street-Osme%25C3%25B1a_Boulevard_intersection_close-up_%2528Cebu_City%253B_09-05-2022%2529.jpg&w=640&q=50)
Kalye Colon
pinakalumang kalye sa Pilipinas / From Wikipedia, the free encyclopedia
Ang Kalye Colon (Sebuwano: Dalan Colon;, Español:Calle Colon. pagbigkas sa wikang Kastila: [koˈlon]) ay isang makasaysayang kalye sa bayanang Lungsod ng Cebu na kadalasang tinatawag na pinakaluma[1][2][3] at pinakamaikling[4] kalsadang pambansa sa Pilipinas. Ipinangalan ito kay Cristóbal Colón (Christopher Columbus).[5] Itinayo noong 1565, mababakas ng kalye ang pinagmulan nito kay Miguel Lopez de Legazpi, ang mananakop na Kastila na dumating sa Pilipinas upang magtatag ng kolonya noong ika-16 na dantaon, at ginawa sa kalaunan ang kalye sa ilalim ng kanyang pamumuno.[6][7]
![]() | |
---|---|
![]() | |
Katutubong pangalan | Dalan Colon (Sebwano) |
Ipinangalan | Cristóbal Colón (Christopher Columbus) |
Haba | 1.17 km (0.73 mi) Batay sa Google Maps |
Lokasyon | Lungsod ng Cebu, Cebu, Pilipinas |
Silangan na dulo | Kalye P. Burgos |
Pangunahing pinagkurusan |
|
Kanluran na dulo | Kalye C. Padilla |
Naging sentro ito ng mga aktibidad pang-komersyo at pang-negosyo sa Lungsod ng Cebu, subalit noong maagang dekada 1990, nalipat ang karamihan ng aktibidad na mga ito sa ibang lugar na makabago, mas malaki, at iba't ibang distritong komersyal.[8]
![Thumb image](http://upload.wikimedia.org/wikipedia/commons/thumb/0/0a/Colon_Street_Cebu._P.I._The_Oldest_Street_In_The_Philippines%2C_KITLV_1401562.tiff/lossy-page1-640px-Colon_Street_Cebu._P.I._The_Oldest_Street_In_The_Philippines%2C_KITLV_1401562.tiff.jpg)
Noong 2006, iminungkahi ng Sangguniang Panlungsod ng Lungsod ng Cebu ang isang plano na isarado ang bahagi ng Kalye Colon mula sa trapikong pangsasakyan at gawin ito sonang panturismo.[9] Bagaman, tinutulan ito ng mga negosyante at motorista dahil sa mga alalahanin sa seguridad at espasyo ng paradahan.[10]