Kalayaan Flyover
From Wikipedia, the free encyclopedia
From Wikipedia, the free encyclopedia
Ang Kalayaan Flyover (kilala rin bilang EDSA–Kalayaan Flyover) ay isang pang-apatang flyover na nag-uugnay ng Abenida Gil Puyat, Abenida Epifanio de los Santos (EDSA) at Abenida Kalayaan sa Kalakhang Maynila. Malaking bahagi nito ay matatagpuan sa Makati at may kasamang maikling bahagi sa Taguig. Pinadadali nito ang pagpasok mula Makati Central Business District papuntang Bonifacio Global City at kalaunan, sa Daang Palibot Blg. 5 (C-5).
Kalayaan Flyover | |
---|---|
EDSA–Kalayaan Flyover | |
Lokasyon | |
Makati at Taguig, Kalakhang Maynila, Pilipinas | |
Mga koordinado | 14°33′27.4″N 121°02′18.7″E |
Mga lansangan sa daanan |
|
Konstruksiyon | |
Uri | Dalawang-nibel na flyover |
Itinayo | 1997–1999 ng F.F. Cruz and Co. at Uy-Pajara Construction Company |
Nabuksan | 25 Enero 2000 |
Pinangangasiwaan ng | Kagawaran ng mga Pagawain at Lansangang Bayan |
Nagsimula ang gawaing paghahanda para sa flyover noong 1997, nang inihayag ng Bases Conversion and Development Authority (BCDA) ang pagtatayo ng dalawang pasimulang mga lugar papasok sa Bonifacio Global City, kalakip ng isang flyover na maglilingkod sa pangunahing punto ng pagpasok sa lugar mula sa kanluran. Dinisenyo ito ng Katahira & Engineers Asia,[1] at nagsimula ang pagpapatayo noong kahulihan ng 1997 kalakip ng pagtatayo ng bahaging Abenida Gil Puyat Avenue-EDSA na ikinontrata sa Uy-Pajara Construction Company.[2] Nagsimula naman ang pagtatayo sa bahaging Abenida Kalayaan-Bonifacio Global City noong Abril 1999, ang gawaing ito ay ikinontrata sa F.F. Cruz and Co.[3] na isa sa pinakamalaking mga kompanya sa konstruksiyon sa Pilipinas. May kakayahan itong magkarga ng aabot sa 4,000 sasakyan sa isang oras,[4] at mababawasan nito ang oras ng paglalakbay sa pagitan ng Makati at Bonifacio Global City sa limang minuto sa pamamagitan ng pagbibigay ng tuwirang pag-uugnay sa pagitan ng dalawang mga distritong pangnegosyo sa halip na dumaan pa sa EDSA.[5]
Ang 5 kilometro (0.93 milyang) flyover ay ipinasinaya ni dating Pangulo Joseph Estrada at ibang mga opisyal ng pamahalaan noong Enero 25, 2000.[6] Bagamat isinulong ito bilang pampublikong proyekto, may bulung-bulungan na ang halagang ₱950 milyon na ginastusan para sa pagpapatayo nito ay hindi nagmula sa pampublikong pondo, kung hindi ay pina-underwrite ng pangkat na First Pacific sa pamamagitan ng kanilang pampook na sangay, Metro Pacific.[7]
Bagamat isa itong flyover, ang kabuoan nito ay itinalaga ng Kagawaran ng mga Pagawain at Lansangang Bayan (DPWH) bilang Pambansang Ruta Blg. 191 (N191) ng sistema ng lansangang bayan sa Pilipinas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.