![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/88/Ship_diagram-numbers.svg/langtl-640px-Ship_diagram-numbers.svg.png&w=640&q=50)
Barko
From Wikipedia, the free encyclopedia
Ang barko ay isang malaking sasakyang pantubig na ginagamit para sa pandagat na paglalakbay. Ang mga barko ay ginagamit ng pamahalaan (sa operasyong militar, pansagip, at bilang transportasyon), pribadong kompanya at institusyon (bilang transportasyon at sa pangingisda), at indibiduwal (sa personal na pananaliksik at personal na libangan tulad ng malalaking yate). Ang isang barko ay mayroong sapat na sukat upang makapagdala ng sarili nitong bangka. Isang tuntunin na "ang bangka ay kasya sa barko ngunit ang barko ay hindi kasya sa bangka."
![Thumb image](http://upload.wikimedia.org/wikipedia/commons/thumb/8/88/Ship_diagram-numbers.svg/640px-Ship_diagram-numbers.svg.png)
Pagkatapos ng ika-15 dantaon, mahalagang naiambag ng mga bagong pananim mula at tungo sa Kaamerikahan sa pamamagitan ng mga mandaragat mula Europa sa paglago ng populasyon ng mundo.[1] Responsable ang transportasyong barko sa malaking bahagi ng komersyo ng mundo. Noong 2016, mayroong nang higit sa 49,000 barkong pangkalakal, na may kabuuang halos 1.8 bilyong toneladang kabigatan. 28% sa mga ito ang barkong-tangkeng panlangis, 43% bultong tagapagdala, 13% ang barkong lalagyan.[2]