Ang Cancer ang ikaapat na signo ng sodyak at pinamumunuan siya ng Buwan. Ang Cancer ang pinakasensitibo sa lahat ng mga signos at ang pinakamalakas sa mga signos na may elementong Tubig.
Ang tahanan at buhay pamilya ang pinakaimportante sa lahat ng Cancer, at gagawin nila ng lahat mapangalagaan nila ang seguridad ng kanilang mga tahanan. Madaling masaktan ang mga Cancer sa mga haka-haka ng ibang tao. Kumplikado ang mga Cancer dahil minsan akala mo napakatatag na mga tao, minsan naman akala mo'y musmos na madaling paiyakin.
Marami ang hindi nakakaunawa sa Cancer, at masasabing tunay ngang kakaunti lang ang nakakaintindi sa kanila. Mapagmahal ang mga Cancer, kapag nagsimula na silang magmahal, mahirap na silang pigilan. Pero matinding kalaban ang Cancer. Mahiyain ang mga Cancer, pabago-bago ang saloobin, at mabilis na mag-react batay sa emosyon at lukso-ng-dugo kesa sa mga lohikal at nasa rasong pag-iisip. Kung ayaw nilang kumilos, wala kang magagawa dahil hindi talaga sila kikilos, hindi pag-uudyok ang makakapagpakilos sa kanila kundi kabutihan lang.
Ilan sa mga interes ng Cancer ay tahanan, seguridad, at pagiging makabayan.
- Namumunong Buntala: Buwan
- Pinamumunuan: Ikaapat na Bahay ng sodyak
- Kalidad: Cardinal
- Elemento: Tubig
- Pagsasalarawan: Walang inuurungan
- Katanyagan: Mapagkalinga
- Depekto: Palaban
Kung ang Cancer ay nasa cusp (bakuran) ng isang Bahay ng sodyak, o kung alin mang buntala ang nasa Cancer, ang suliranin ng buntalang iyon, o ng Bahay na iyon, ay naiimpluwensiyahan ng pabago-bagong damdamin, sobrang pagiging madamdamin, mala-inang pag-aaruga, pangangailangang makisalamuha at makilala ng publiko, minsan may kaugnayan sa pagkain o di naman kaya ay "lukso-ng-dugo" at mga tamang hinala.[1]
Galeriya
.jpg)
.svg)
Mga sanggunian
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
