![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/79/Alma_Mater%252C_Lorado_Taft.jpg/640px-Alma_Mater%252C_Lorado_Taft.jpg&w=640&q=50)
Inang diwa
Paaralan o pamantasan na dinaluhan ng isang tao / From Wikipedia, the free encyclopedia
Ang inang diwa (o inang-diwa) ay isang parirala na mas kilala bilang alma mater, isang pariralang Latin na nangangahulugang "inang nagpapalusog".[1] Ginamit ang parirala sa sinaunang Roma upang tumukoy sa ilang mga inang diyosa, lalo na kay Seres o Sibeles, at ng mga Kristiyano noong Gitnang Panahon bilang pantukoy sa Mahal na Birheng Maria.
![Thumb image](http://upload.wikimedia.org/wikipedia/commons/thumb/7/79/Alma_Mater%2C_Lorado_Taft.jpg/640px-Alma_Mater%2C_Lorado_Taft.jpg)
Sa kasalukuyan, ginagamit ang parirala upang tumukoy sa paaralan, dalubhasaan o pamantasan na ikinatapos ng isang mag-aaral at kung saan kinuha niya ang kanyang katibayan ng pagtatapos: diploma, batsilyer o doktorato man. Maaari rin itong tumukoy sa isang awit o himno na may kaugnayan sa nasabing paaralan, dalubhasaan o pamantasan: halimbawa, ang U.P. Naming Mahal ay kinikilala na awiting alma mater ng Unibersidad ng Pilipinas.