![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/83/Oghuz_Khagan_portrait%252C_Turkmenistan_banknote_%25282014%2529.jpg/640px-Oghuz_Khagan_portrait%252C_Turkmenistan_banknote_%25282014%2529.jpg&w=640&q=50)
Oguz han
seljuk turkmenleri / From Wikipedia, the free encyclopedia
Oguz han türkmenleriň iň gadymy hökümdary hasaplanýar. Ol örän uly giňiş topraklary öz içine alan oguzlaryň imperatorlygyny guran adamdyr. Gara hanyň ogly bolan Oguz hanyň günlerimizden birnäçe müň ýyl ozal ýaşap geçendigi türkmen rowaýatlarydyr-dessanlarynda agzalýar. XI asyrda ýaşan alym Mahmyt Kaşgarly “Diwany lugat at-türk” atly eserinde türkmenleri oguz türkmenleri we garlyk türkmenleri diýip ikä bölýär. Oguz hanyň 6 ogly Gün han, Aý han, Ýyldyz han, Gök han, Dag han, Deňiz han we 24 agtygy bolupdyr. Oguz türkmenleriniň 24 boýy onuň 24 agtygyndan öz köküni alyp gaýdýar we olaryň atlaryny göterýär.
Osmanly döwletiniň taryhçysy Rüstem Paşa’nyň bellemegine görä, mukaddes Gurhanda bellenilen Zülkarneýn atly keramatly adamyň Oguz handyr. Sebäbi ol goşa şahly täji bilen tanalypdyr.
![Oguz han](http://upload.wikimedia.org/wikipedia/commons/thumb/8/83/Oghuz_Khagan_portrait%2C_Turkmenistan_banknote_%282014%29.jpg/640px-Oghuz_Khagan_portrait%2C_Turkmenistan_banknote_%282014%29.jpg)