Dörediji, telekeçi, programist. From Wikipedia, the free encyclopedia
Bil Geýts(iňlisçe: Bill Gates)
“Microsoft şereketini“ esaslandyryjylaryň, şeýle hem dünýäde iň baý we jomart haýyr - sahawatçylaryň biri bolup durýar. Bil Geýts dünýäde iň täsirli şahsyýetleriň biridir. Ol kompýuter senagatynyň iň belli brendleriniň biriniň esaslandyryjysydyr.
Stoluň üstünde goýulýan her bir kompýuteriň biri “Microsoft”-yň programmasyny ulanýar diýen ýalydyr. “Forbes“ žurnalynyň maglumatlaryna görä, Bil Geýts 1996 – 2007-nji ýyllar aralygynda dünýäde iň baý adamlaryň biri bolup, uzak ýyllardan bäri birinji orny eýeläp gelýär.
Geýts 1955-nji ýylyň 28-nji oktýabrynda ABŞ-nyň Waşington ştatynyň Sietle şäherinde dünýä inýär we şol ýerde ulalýar. Onuň kakasy Uilýam Geýts II Sietlede aklawjy bolupdyr, ejesi bolsa mekdep mugallymy we “United Way” atly haýyr – sahawat guramasynyň wekili bolupdyr. Geýts we iki uýasy oňat terbiýe alypdyr we Geýtse ikinji ýöriteleşdirilen “Lakeside School”-da okamaga mümkinçilik döräpdir.
Bil 13 ýaşyndaka özüniň ilkinji programmasyny – BASIC programmasynyň dilinde “Atanak nolluk” atly oýnuny ýazypdyr. Bill Geýts 1973-nji ýylda Pol Allen bilen hyzmatdaşlyk eden ýeri Garward uniwersitetinde okamaga başlapdyr. Geýts we Allen “MITS Altair” (ilkinji mikrokompýuter) üçin esas bolan “BASIC” diliniň nusgasyny programmalaşdyrmagyň üstünde işläpdirler. Ol “Microsoft Corporation” atly dünýäde kompýuterleri programma bilen üpjün ediji iri şereketi ýola goýmaga girişmek üçin Garward uniwersitetini taşlamaly bolýar.
Bütin dünýäniň adamlary we kärhanalary öz mümkinçiliklerini doly amala aşyrmaklary üçin ”Microsoft” öz missiýasyna başlaýar. Bil Geýts we onuň hyzmatdaşy Pol Allen Garwarddan gaýdandan soňra, kompýuter senagatyna özgerişlik getiripdirler. Geýts her bir ofis stolunda we her bir öýde kompýuter bolmagyny ileri tutupdyr.
1975-nji ýylda kompýuterleri programma bilen üpjün ediji “Micro-Soft” şereketiniň düýbi tutulýar. Basym onuň ady ýöne “Microsoft” bolýar we adamlaryň kompýuterleri ulanyşyny bütinleý özgertmäge girişýär.
“Microsoft” kompýuteriň ulanylyşyny ýönekeýleşdirmäge kömek etdi, ony ösdürmek bilen bir hatarda, programma bilen üpjünçiligini özleşdirdi, oňa söwda-da uly üstünlik getirdi. “Microsoft”-yň üstünligi “MS-DOS” amaly ulgamy bilen başlap, Geýts öz oýlap tapan zady üçin ygtyýarnama alýar. “Microsoft Windows” bolsa, 1985-nji ýylyň 20-nji noýabrynda oýlanyp tapylýar.
Bil Geýtsiň baýlygy 2012-njy ýylda 66 milliard dollardan gowrak diýlip, hasap edilýärdi. Oňa 1996 – 2007-nji ýyllar aralygynda iň baý adam hökmünde baha berildi. Ol dünýäde iň iri haýyr-sahawat gaznasyny esaslandyrypdyr. Bil we Melindy Geýtsiň gaznasynda 1994 – 2010-njy ýyllar aralygynda 28 milliard dollar pul bolup, ýylda 1 milliarddan gowrak puly haýyr-sahawat işlerine sarp etmäge ýagdaýy bolupdyr. Bu gazna 2000-nji ýylda esaslandyrylýar. Onuň maksady “saglygy goraýyş ulgamyny innowasiýa enjamlary bilen üpjün etmek we ony dünýä jemgyýetçiligine öwretmekden” ybarat bolup durýar.
Bil Geýts “Microsoft” şereketinini kämilleşdirmekde örän işjeň rol oýnamagyny dowam etdirýär. Ol häzir şereketde “Başlyk” we “Programma üpjünçiliginiň baş binägäri” diýen ýaly wezipeleri eýeleýär. Ol “Microsoft”-da öz üstüne az jogapkärçilik almagy meýilleşdirýär we netijede, özüniň ähli wagtyny “Bill we Melinde Geýts” gaznasyna bagyşlamak üçin “Microsofty”-yň ýolbaşçylygy wezipesinden gidýär.
Bil Geýts 2005-nji ýylyň martynda Angliýanyň korol aýalyndan “Hormatly” rysarlyk derejesini alýar. Ol garyplygy azaltmak we dünýäniň ösen ýurtlarynda saglygy goramakda bitiren hyzmatlary üçin Britaniýanyň “Knight Commander” atly iň uly ordeni bilen sylaglanýar.
Bil Geýts özüniň söýgüli aýaly Melindo Geýts we üç çagasy bilen Waşington kölünden uzakda bolmadyk ýerde ýaşaýar. Ol okamak, golf we brij oýunlary bilen gyzyklanýar.
![]() |
Bu makala ownuk makaladyr. Ony üýtgetmek hem-de ösdürmek arkaly Wikipediýa kömek edip bilersiňiz. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.