Муҳаммад Салоҳ

Муҳаммад Салоҳ Ғолӣ (ар. محمد صلاح غالى‎; тав. 15 июни 1992, Басюн, Миср) — футболбози мисрӣ, ҳамлагари бошгоҳи «Ливерпул» ва тими миллии футболи Миср. Ба панҷгонаи беҳтарин нишонзанҳои тими миллии футболи Миср шомил аст.

Муҳаммад Салоҳ
Иттилооти умумӣ
Номи пурра	Муҳаммад Салоҳ Ғолӣ
Таваллуд	15 июн 1992(1992-06-15)[1][2][3] (32 сол) ё 1992[4] Басюн, Миср
Шаҳрвандӣ	Миср
Қад	175 см
Вазн	72 кг
Мавқеъ	ҳамлагар
Иттилоот дар бораи бошгоҳ
Бошгоҳ	«Ливерпул»
Шумора	11
Маснад
Бошгоҳҳои ҷавонон
2002—2010	«Муқовлун»
Маснади бошгоҳӣ*
2010—2012	«Муқовлун»	38 (11)
2012—2014	«Базел»	47 (9)
2014—2016	«Челси»	13 (2)
2015	→  «Фиорентина»	16 (6)
2015—2016	→  «Рум»	34 (14)
2016—2017	«Рум»	31 (15)
2017—то ҳол	«Ливерпул»	176 (117)
Мунтахаби миллӣ**
2010—2011	Миср (то 20)	11 (3)
2011—2012	Миср (то 23)	11 (4)
2011—то ҳол	Миср	84 (47)
Медалҳои байналмилалӣ
Ҷоми миллатҳои Африқо
Нуқра	Габон 2017
Нуқра	Камерун 2021
Мукофотҳои давлатӣ
* Миқдори бозӣ ва гол барои бошгоҳи ҳирфаӣ фақат барои лигаҳои мухталифи миллӣ ба назар гирифта мешавад. ** Миқдори бозӣ ва гол барои мунтахаби миллӣ дар бозиҳои расмӣ.

Ин вожа дигар маъноҳо низ дорад, Муҳаммад (мазмунҳо)-ро бубинед.

Дархости «Муҳаммад» ба инҷо равона мешавад; ҳамчунон ниг. мазмунҳои дигар.

Аз сини наврасӣ кишвари худро дар арсаи байналмилалӣ муаррифӣ кард: дар ҷоми ҷаҳон миёни дастаҳои наврасон 2011 ва Бозиҳои олимпии тобистона 2012. Дар солҳои аввали футболбозиаш дар бошгоҳи «Базел»-и Швейсария барандаи Суперҷом ва беҳтарин бозигари ҷавони Африқо шинохта шуд^[5]. Соли 2013 ба унвони беҳтарин бозигари Суперҷоми Швейсария сарфароз шуд.

Моҳи апрели соли 2018 дар мавсими 2017—2018 дар Лигабартари Инглистон ҷоизаи беҳтарин бозигарро соҳиб гашт.

Собиқаи бошгоҳӣ

Салоҳ дар ҳайати «Базел»

Салоҳ дар ҳайати «Челси»

Бошгоҳи «Муқовлун»

Салоҳ дастпарвари академияи наврасони бошгоҳи «Муқовлун» мебошад. 3 майи соли 2010 аввалин бор дар ҳайати «Муқовлун» алайҳи дастаи «ал-Мансур» бозӣ кард. Дар мавсими 2010—2011 мавқеи худро дар ҳайати асосии даста устувор карда, 25 декабри соли 2010 Салоҳ аввалин голи худро дар ҳайати «Муқовлун» дар дарвозаи «ал-Аҳлӣ» ба нишон расонд. Баъди фоҷиаи Порт-Саид дар аввали соли 2012 чемпионат мавқуф гузошта шуд^[6].

Бошгоҳи «Базел»

Тобистони соли 2012 Салоҳ аз «Муқовлун» ба бошгоҳи «Базел»-и Швейсария пайваст. 10 апрели 2012 шартномаи 4 солаи Салоҳ бо бошгоҳи мазкур ба тавофуқ расид. 23 июни 2012 Муҳаммад Салоҳ дар бозии рафиқона бо «Стяуа»-и Руминия аввалин голи худро барои «Базел» сабт кард.

Бошгоҳи «Челси»

Соли 2014 Салоҳ ба бошгоҳи «Челси»-и Инглистон ба муҳлати панҷу ним сол гузашт ва пироҳани рақами 15-ро соҳиб шуд. 8 феврал дар бозӣ алайҳи дастаи «Нюкасл Юнайтед» дар қисмати дуввуми бозӣ ба ҷои Вилиан ба майдон баромад, ки аввалин бозиаш дар ҳайати дастаи «Челси» буд. Аввалин голи худро дар ҳайати бошгоҳи мазкур 22 марти ҳамон сол ба дарвозаи дастаи «Арсенал» ворид кард.

Иҷора ба бошгоҳи «Фиорентино»

Салоҳ дар ҳайати «Фиорентина», апрели 2015

2 феврали соли 2015 ҳамчун бозигари иҷора ба бошгоҳи «Фиорентина»-и Итолиё гузашт ва баъди як ҳафта аввалин голи худро дар вохӯрӣ бо дастаи «Сассуоло» зад. 26 феврал голи задаи Салоҳ ба дарвозаи дастаи «Тоттенҳем Ҳотспур» дар ҷаҳорчӯби бозиҳои Лигаи Урупо «Фиорентина»-ро ба даври 1/8 ниҳоӣ роҳ кушод. 5 март дар вохӯрӣ бо дастаи «Ювентус»-и Турин дар чаҳорчӯби бозиҳои Ҷоми Итолиё Муҳаммад Салоҳ ду гол ба дарвозаи дарвозабон Буффон равона кард.

Бошгоҳи «Рум»

6 августи соли 2015 Муҳаммад Салоҳ ҳамчун бозигари иҷора ба бошгоҳи «Рум» гузашт кард. 20 сентябр авалин голи худро барои ин даста ба субут расонд. 6 ноябри соли 2016 Салоҳ аввалин ҳет-трики худро дар чемпионатҳои аврупоӣ (ба дарвозаи дастаи «Болониё») сабт кард.

Бошгоҳи «Ливерпул»

Салоҳ дар ҳайати «Ливерпул»

22 июни соли 2017 Салоҳ ба бошгоҳи «Ливерпул»-и Инглистон қарордод ба имзо расонд. Маблағи гузашти Салоҳ аз дастаи «Рум» ба «Ливерпул» 42 млн евро буд. «Фиръавни мисрӣ» дар ин бошгоҳ байни бозигарони даста пироҳани рақами 11-ро соҳиб шуд.

«Ман худро дар ин ҷо хушбахт мебинам. Кӯшиш мекунам, ки барои ин бошгоҳ дастовардҳои зиёд ҳадя кунам. Ин бошгоҳи бузург бо бозигарони беҳтарин аст» — мегӯяд Салоҳ

12 августи соли 2017 аввалин бозиашро бо дастаи «Уотфорд» анҷом дод. Дар ин вохӯрӣ низ аввалин голи худро барои «мерсисойдҳо» зад. 23 август дар бозӣ алайҳи «Ҳоффенҳайм» аввалин голро дар чаҳочӯби бозиҳои Лигаи қаҳрамонҳо ба самар расонд.

17 марти 2018 Салоҳ дар даври 31-уми Лигаи бартари Англия 4 маротиба дарвозаи дастаи «Уотфорд»-ро рахна карда, аввалин «пукер» (чаҳоргол)-и худро дар хазинаи «Ливерпул» сабт ва "корнома"-и бозигарони бошгоҳ Анри ва Аршавинро такрор кард. Дар 33 бозӣ дар чемпионати Инглистон 2017—2018 31 гол ба самар расонда, "корнома"-и Криштиану Роналду, Алан Ширер ва Луис Суаресро ёдовар шуд (дар доираи як мавсим). 23 апрели соли 2018 Муҳаммад Салоҳ беҳтарин бозигари Лигаи бартари Инглистон эълон шуд.

Маснад дар тими миллӣ

Соли 2017 дар ҳайати тими миллии Миср Салоҳ ҷоизадорӣ медали нуқраи Ҷоми миллатҳои Африқо шуд (Габон). 8 октябри 2017 дар бозиҳои интихобии Ҷоми Ҷаҳон голҳои задаи Салоҳ ба дарвозаи тими миллии Ҷумҳурии Конго тими Мисрро ба Ҷоми ҷаҳонии футбол 2018 роҳхат дод. Дар доираи бозиҳои мазкур Салоҳ ду гол ба дарвозаи ҳарифон ба самар расонд.

Омор

Омори бошгоҳӣ

Баромад			Лига		Ҷоми кишвар		Ҷоми лига		Ҷоми Аврупо		Ҳамагӣ
Бошгоҳ	Лига	Мавсим	Бозиҳо	Голҳо	Бозиҳо	Голҳо	Бозиҳо	Голҳо	Бозиҳо	Голҳо	Бозиҳо	Голҳо
Моқавлун	Лигаи бартари Миср	2010/11	21	4	0	0	0	0	0	0	21	4
		2011/12	15	7	0	0	0	0	0	0	15	7
	Дар маҷмӯъ		36	11	0	0	0	0	0	0	36	11
Базел	Суперлига	2012/13	29	5	6	3	0	0	14	2	49	10
		2013/14	18	4	1	1	0	0	10	5	29	10
	Дар маҷмӯъ		47	9	7	4	0	0	24	7	78	20
Челси	Лигаи бартар	2013/14	10	2	1	0	0	0	0	0	11	2
		2014/15	3	0	1	0	2	0	2	0	8	0
	Дар маҷмӯъ		13	2	2	0	2	0	2	0	19	2
→ Фиорентино	Серия A	2014/15	16	6	2	2	0	0	8	1	26	9
	Дар маҷмӯъ		16	6	2	2	0	0	8	1	26	9
→ Рум	Серия A	2015/16	34	14	1	0	0	0	7	1	42	15
		2016/17	31	15	2	2	0	0	8	2	41	19
	Дар маҷмӯъ		65	29	3	2	0	0	15	3	83	34
Ливерпул	Лигаи бартар	2017/18	36	32	1	1	0	0	15	11	52	44
	Дар маҷмӯъ		36	32	1	1	0	0	15	11	52	44
Ҳамагӣ дар маснад			213	89	15	9	2	0	64	22	294	120

Дастовардҳо

Бошгоҳӣ

«Базел»

• Чемпионати Швейсария:
  • Ғолиб (2): 2012/13; 2013/14

«Ливерпул»

• Лигабартари Инглистон: 2019/20
  • Ғолиб: 2019/20
• Лигаи Қаҳрамонҳои УЕФА
  • Ғолиб: 2018/19
  • Финалист (2): 2017/18; 2021/22
• Суперҷоми УЕФА
  • Ғолиб: 2019
• Ҷоми Инглистон
  • Ғолиб: 2021/22
• Ҷоми Лигаи футболи Инглистон
  • Ғолиб: 2021/22
• Ҷоми бошгоҳҳои ҷаҳон
  • Ғолиб: 2019

Байналмилалӣ

Миср

• Ҷоми миллатҳои Африқо
  • Финалист (2): 2017; 2021

Инфиродӣ

• Бозёфти футболи Африқо — 2012
• Беҳтарин бозигари Суперлигаи Швейсария — 2013
• Футболбози сол дар Африқо аз рӯи нишондоди Би-би-си — 2017
• Футболбози сол дар Африқо — 2017
• Футболбози сол аз рӯи нишондоди ПФА  — 2018
• Беҳтарин бозигари Лигаи бартари Англия — 2018
• Беҳтарин бозигари ҳафати Лигаи қаҳрамонҳо — 2018
• Нишонзани беҳтарини Лигаи бартар — 2017-2018 (32 гол)

Вазъи оилавӣ

Муҳаммад Салоҳ 17 декабри 2013 оиладор шуда, соли 2014 духтараш Макка таваллуд мешавад. Ӯ духтарашро ба ифтихори яке аз шаҳрҳои муқаддаси мусулмонон — Макка номгузорӣ кардааст^[7]. Салоҳ футболбози мусулмон буда, баъд аз ба самар расондани ҳар гол саҷдаи шукр мекунад^[8].

Эзоҳ

1. Transfermarkt.com(бис.) — 2000.
2. FBref.com(бис.)
3. As (исп.) — Madrid: PRISA, 1967. — ISSN 1888-6671
4. Чешская национальная авторитетная база данных
5. Toure wins his second African Player of the Year Award(англ.), Официальный сайт КАФ (21 December 2012). Проверено 21 Декабри 2012.
6. Egypt's Premier League cancelled, BBC Sport, British Broadcasting Corporation (10 March 2012). Проверено 11 марти 2012.
7. Wife of Egyptian Chelsea winger Salah chooses baby girl name(англ.). Ahram Online (15 December 2014). 1 Декабри 2017 санҷида шуд. Баргирифта аз сарчашмаи аввал 1 Декабри 2017.
8. Egypt’s Salah celebrates first goal with Chelsea(англ.). Al Arabiya News (22 March 2014). 1 Декабри 2017 санҷида шуд.

Пайвандҳо