From Wikipedia, the free encyclopedia
Вилояти АСТРАХÁН (русӣ: Астраха́нская о́бласть) — вилоятест дар Федератсияи Русия, тобеи Округи федералии Ҷануб Вилоят 27 декабри соли 1943 ташкил шудааст.
| |||||
![]() | |||||
Маркази маъмурӣ | Астрахан | ||||
Масоҳат - Ҳамагӣ |
58-ум 44 100 км² | ||||
Аҳолӣ - Ҳамагӣ |
55-ум тақрибан 1 005 276 (2002) | ||||
Округи Федералӣ | Ҷанубӣ | ||||
Губернатор | Жилкин Александр Александрович | ||||
Соат | MSK (UTC+3, тобистон UTC+4) |
Дар ҷанубу шарқии қисмати аврупоии Русия, дар пастии соҳили баҳри Хазар (Каспий), дар назди резишгоҳи дарёҳои Волгаву Оқтеппа ба Баҳри Хазар воқеъ гардидааст. Бо вилояти Волгоград ва Ҷумҳурии Қалмиқистон ҳамсарҳад аст. Хатти сарҳадди Русия ва Қазоқистон аз қисми шарқии вилояти Астрахан мегузарад. Дар ҷануб бо баҳри Хазар мепайвандад. Масоҳаташ 44,1 ҳазор км2. Маркази маъмуриаш – шаҳри Астрахан. Мақоми олии қонунбарор – Маҷлиси намояндагони вилоят, Ҳокимияти иҷроия – маъмурияти (ҳукумати) вилоят. Сардори вилоят – губернатор. Аз 11 ноҳия (музофот), 6 шаҳр, 11 шаҳрак, 431 нуқтаҳои аҳолинишини деҳотӣ иборат аст.
Аҳолиаш 1,012 млн нафар (2012). Зичии аҳолӣ дар 1 км2 20,6 нафар (2012).
Маскуншавии аввалин дар ҳудуди вилоят Астрахан ба давраи мезолит рост меояд. Дар асрҳои 7–10 Астрахан тобеи Хоқонии Хазар буд. Дар асри 10 дучори ҳамлаи қавму қабоили кӯчиёни туркнажоди печенег гардида, дар асри 12 ба ин ҷо қавмҳои қипчоқ ворид мешаванд. Дар аввали асри 13 дар натиҷаи тохтутози муғулҳо, ба ҳайати Олтин-Ӯрда (Ӯрдаи Тилоӣ) ворид шуд. Аввалин бор дар мадракҳои хаттӣ дар асри 13 бо номи Аштархон ва Ҳоҷӣ Тархон қайд шудааст. Аввали асри 15 дар Астрахан Хонигарии мустақили Аштархониён таъсис ёфт. Соли 1556 ба ҳайати давлати Рус ворид шуд. Соли 1717 губернияи Аштархон таъсис ёфт, ки тамоми ҳудуди Поволжия, аз Астрахан то Симбирск, дар ҳайати он қарор дошт. Соли 1928 губернияи Астраханба вилояти Поволжияи Поён дохил гардид, ки марказаш Саратов буда, дертар ба округи Аштархон табдил дода шуд. 27. 12.1943 вилояти мустақили Астрахан (дар ҳайати Россия) таъсис ёфт.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.