![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/Wurtzite_mineral.jpg/640px-Wurtzite_mineral.jpg&w=640&q=50)
Вюрсит
From Wikipedia, the free encyclopedia
Вюрсит — минерал (ZnS), ба шарафи кимиёшиноси фаронсавӣ Шарл Адолф Вюрст номгузорӣ шудааст.
Навъи мангандор ва сурхаш эритротсинкит (Zn, Mn)S ном дорад. Таркибаш ба сфарелит монанд аст, вале бештар кадмиум дорад. Агар миқдори кадмиум то ба 77 % расад, ба гринокит Cds мегузарад. Сохтори кристаллбандиаш гексагонӣ. Кристаллҳояш лифнамуд ва варақаӣ, баъзан қабат-қабати тунук. Кристаллҳои камёбаш шакли маншурҳои кӯтоҳ ва аҳромро дорад. Рангаш вобаста ба миқдори оҳан аз ҷигарӣ то сиёҳ, ранги вюрсити аз кадмиум ғанӣ люминиссенсияи зарди норанҷӣ мешавад. Баъзе кристаллҳояш шаффоф. Сахтиаш 3,5-4; ҷилояш самғию шишаӣ, алмосӣ (гринокит). Вазни хоссаш 4,0-4,1. Кристаллҳои вюрсит дар конҳои Орурои Боливия, Кастровиррейни Перу, Бютти ИМА ба миқдори зиёд дучор меояд. Дар конҳои Кен-Шаники Қазоқистон, Тарини Ёқутистон, Пршибрами Чехия, Ҷиҷикрӯд ва Гӯрдараи водии Зарафшон вомехӯранд.