From Wikipedia, the free encyclopedia
Баҳри Шимолӣ (фр. Mer du Nord, олмонӣ: Nordsee, ҳол. Noordzee, Шаблон:Lang-fy, англ. North Sea, норвегӣ: Nordsjøen, дан. Nordsøen или Vesterhavet) — баҳри канории Уқёнуси Атлантик, дар соҳилҳои Аврупои Шимолӣ, байни ҷазираҳои Британияи Кабир, Оркней, Шетланд.
Дар Ш. ба воситаи гул-ҳои Скагеррак, Каттегат, Белти Калон ва Хурд, Эресуни бо Баҳри Балтика пайваст буда, дар Шим. бо Баҳри Норвег ҳамҳудуд аст. Аз Ҷ. Ғ. онро гул-ҳои Па-де-Кале ва Ла-Манш бо Уқёнуси Атлантик пайвастаанд. Масоҳ. бо халиҷи Скагеракк 544 ҳазор км². Умқи миёнааш 96 м. Ҷойи амиқтаринаш (дар самти Баҳри Норвег) то 809 м, дар қисми ғарбӣ (Эдинбург) бештар аз 450 м. Дар тунукобаи қоравӣ воқеъ аст. Релйефи қаъри Б. Ш. ноҳамвор. Ба он д-ҳои Рейн, Элба, Везер, Шелда, Эмс, Маас ва Темза мерезанд. Шӯрии об-31-35 дарсад. Иқлими баҳр муътадил; тобистон салқин, зимистон кӯтоҳ ва нисбатан нарм. Ҳавояш сермеғи тағйирёбанда. Аз ноябр то март тӯфонҳо ба амал меоянд. Ҳарор. миёнаи февр. аз 00С то 50С, авг. аз 150С то 170С, зимистон то −230С. Миқдори бориши солона 600—1000 мм. Канорҳои баҳр аз дек. то март ях мебандад. Ҳарор. миёнаи сатҳи об февр. аз 20С дар резишгоҳи Скагеракк то 7,50С, авг. аз 12,50С то 180С. Дар Б. Ш. тахминан 300 навъи рустанӣ ва зиёда аз 1500 навъи ҳайвоноти обӣ мавҷуд аст. Б. Ш. роҳи муҳимми обӣ, чорроҳаи баҳрии дунё буда, тариқи он нафт, ангиштсанг, маъдани оҳан, чӯб, коғаз, мошин ва ғ. кашонда мешаванд. Аз назди соҳилҳои Норвегия, Дания, Шотландия ва Британияи Кабир нафту газ ва ашёи хоми карбогидрад истеҳсол мекунанд. Б. Ш. яке аз манбаъҳои бузургтарини моҳидории Аврупои Ғарбӣ буда, дар як сол бештар аз 4 млн т равғанмоҳӣ, шӯрмоҳӣ, палтус ва харчангҳои баҳрӣ (креветки) шикор мекунанд. Бандарҳои бузургтаринаш: Амстердам, Роттердам (Нидерландия), Антверпен (Белгия), Гамбург, Бремен ва Вилгелмсхафен (Олмон), Лондон, Гулд ва Нюкасл-аон-Тайн, Халл (Британияи Кабир), Осло, Берген (Норвегия), Гётеборг (Шветсия).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.