![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6e/Magsaysay_Roosevelt.jpg/640px-Magsaysay_Roosevelt.jpg&w=640&q=50)
రామన్ మెగసెసే
From Wikipedia, the free encyclopedia
రామన్ మెగసెసే రిపబ్లిక్ ఆఫ్ ఫిలిప్పీన్స్కు మూడవ అధ్యక్షడు. రామన్ డెల్ ఫియరో మెగసెసె సామాజిక సేవలో ప్రపంచానికే ఆదర్శంగా నిలిచాడు. రెండవ ప్రపంచయుద్ధ సమయంలో జపాన్కు వ్యతిరేకంగా పోరాడాడు. జపాన్ దాస్యశృంఖలాలనుండి ఫిలీప్పీన్స్కు విముక్తి కలిగించడంకోసం కృషి చేశాడు. అధ్యక్షుడిగా ఫిలిప్పీన్స్ను అభివృద్ధి దిశగా నడిపించడంలో కీలక పాత్ర పోషించాడు. ఆయన చేసిన సేవలకు గుర్తింపుగా ఆయన పేరుమీద అవార్డును ప్రవేశపెట్టారు. ఆసియా నోబెల్గా ప్రసిద్ధిగాంచిన ఆ పురస్కారం ప్రతిసంవత్సరం వివిధ రంగాల్లో కృషిచేసిన ఆసియా ప్రముఖులకు అందజేస్తారు. 1953లో జరిగిన అధ్యక్ష ఎన్నికల్లో విజయఢంకా మోగించి రిపబ్లిక్ ఆఫ్ ఫిలిప్పీన్స్కు మూడో అధ్యక్షుడిగా ఎన్నికయ్యారు రామన్ మెగసెసె. ప్రెసిడెంట్గా ఉన్నంత కాలంలో అమెరికాతో స్నేహ సంబంధాలను నెరపిన రామన్ ఫిలిప్పీన్స్ను అభివృద్ధి పథంలో నడిపించాడు. కోల్డ్వార్ సమయంలో, దక్షిణాసియాలో కమ్యూనిజానికి వ్యతిరేకంగా పోరాటం చేశాడు. ‘సౌత్ ఏషియా ట్రీటీ ఆర్గనైజేషన్’ను స్థాపించి దక్షిణాసియా దేశాలన్నింటిని ఒక్క త్రాటిపై నడిపించారు.
![Thumb image](http://upload.wikimedia.org/wikipedia/commons/thumb/6/6e/Magsaysay_Roosevelt.jpg/320px-Magsaysay_Roosevelt.jpg)