![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c2/New_Delhi_Temple.jpg/640px-New_Delhi_Temple.jpg&w=640&q=50)
అక్షరధామ్
From Wikipedia, the free encyclopedia
అక్షరధామ్[1] భారతదేశ రాజధాని నగరమైన కొత్తఢిల్లీలో, దాదాపు వంద ఎకరాల సువిశాల భూభాగంలో నిర్మితమైన హిందూ దేవాలయాల సముదాయం. నవంబరు 7, 2005వ తేదీన భారత రాష్ట్రపతి అబ్దుల్ కలామ్ చేతుల మీదగా ఆవిష్కృతమైంది. 8వ తేదీ నుండి ప్రజలకు దర్శనీయ ప్రదేశంగా తెరిచారు. ఈ భవనం నిజాముద్దీన్ వంతెనకు కొంత దూరంలో "నొయిడా క్రాసింగ్" వద్ద యమునా నది తీరాన మహొన్నంతంగా వెలసి, పర్యాటకుల్ని, ఆధ్యాత్మికవాదులను, ప్రాచీన సంస్కృతీ వారసత్వారాధకులను సమంగా అలరిస్తోంది. అక్షరధాంలో ఆలయంతో పాటుగా, ఒక స్మారక భవన సముదాయం, ఒక విద్యా ప్రభోధ కేంద్రం, జ్ఞాన ప్రకాశ నిలయం ఉన్నాయి. అక్షరధామ్ సంప్రదాయక కళ, భవన నిర్మాణ పరిజ్ఞానం, భారతీయ సంస్కృతీ నాగరికతలు, ప్రాచీన నైతిక విలువలు, విజ్ఞానాల్ని ఉత్తమ ఆధునిక సాంకేతిక పరిజ్ఞానంతో సృజనాత్మంకంగా మేళవించిన తీరుకు ప్రతీక.
అక్షరధామ్ | |
---|---|
ఢిల్లీలో స్థానం | |
భౌగోళికాంశాలు: | 28°36′45″N 77°16′38″E |
పేరు | |
స్థానిక పేరు: | Swaminarayan Akshardham |
దేవనాగరి: | अक्षरधाम |
స్థానం | |
దేశం: | భారత దేశము |
ప్రదేశం: | Noida Mor, New Delhi |
నిర్మాణశైలి, సంస్కృతి | |
ప్రధానదైవం: | Swaminarayan |
నిర్మాణ శైలి: | Vastu Shastra and Pancharatra Shastra |
చరిత్ర | |
కట్టిన తేదీ: (ప్రస్తుత నిర్మాణం) | 6 November 2005 (consecration) |
నిర్మాత: | BAPS, Pramukh Swami Maharaj |
వెబ్సైటు: | http://www.akshardham.com/ |
అక్షరధామ్ సముదాయం అంటే పరమాత్ముని శాశ్వత, అవినాశ నిలయం. వేదాలలో, ఉపనిషత్తులలో నిర్వచించబడిన శాశ్వత విలువలు, శాశ్వత సుగుణాలకు నెలవు. ఆ స్మారక భవన సముదాయం యొక్క పూర్తిపేరు "స్వామి నారాయణ్ అక్షరధామ్".
![Thumb image](http://upload.wikimedia.org/wikipedia/commons/thumb/c/c2/New_Delhi_Temple.jpg/640px-New_Delhi_Temple.jpg)