మారేడుపల్లి మండలం, తెలంగాణ రాష్ట్రం, హైదరాబాదు జిల్లాకు చెందిన మండలం. సికింద్రాబాదుకి సమీపంలో ఉన్న ఈ ప్రాంతం ఈస్ట్ మారేడుపల్లి, వెస్ట్ మారేడుపల్లిగా విభజించబడివుంది. ఈ మండలంలో 3 రెవెన్యూ గ్రామాలు ఉన్నాయి. ఇది సికింద్రాబాదు రెవెన్యూ డివిజను పరిధిలో ఉంది. ఈ మండలం మొత్తం ప్రాంతం హైదరాబాద్ మహానగర పాలక సంస్థ పరిధిలోకి వస్తుంది. 2011 భారత జనగణన ప్రకారం, మారేడ్‌పల్లి మండల విస్తీర్ణం 12.45 చ.కి.మీ., జనాభా 1,72,542.