సాయిపల్లవి

సినీ నటి.^[4][6] తమిళ, తెలుగు, మలయాళ చిత్రాల్లో నటించింది.^[7]

సాయిపల్లవి
జననం	(1992-05-09) 1992 మే 9 (age 32)[1][2] [3] కోటగిరి, తమిళనాడు[4]
విద్య	వైద్య విద్య
విద్యాసంస్థ	టిబిలిసి స్టేట్ మెడికల్ కళాశాల, జార్జియా
వృత్తి	నటి
తల్లిదండ్రులు	సెంతామరై కన్నన్ (తండ్రి) రాధామణి (తల్లి)
బంధువులు	పూజా క‌న్న‌న్ (కవల సోదరి)[5]

నేపథ్యం

సాయిపల్లవి ది తమిళనాడులోని ఊటీకి సమీపంలో ఉన్న కోత్తగిరి అనే చిన్న గ్రామం. బడుగ గిరిజన కుటుంబంలో జన్మించారు తల్లి రాధామణి పుట్టపర్తి సాయిబాబా భక్తురాలు కావడంతో ఆమె పేరులో సాయి చేర్చింది. ఈమె మంచి నర్తకి కూడా. తండ్రి సెంతామరై కస్టమ్స్ అధికారి. ఈమె, చెల్లెలు పూజ కన్నన్‌ కవల పిల్లలు. అక్కడికి దగ్గర్లోని కోయంబత్తూరులో పాఠశాల విద్యనభ్యసించింది. తల్లి ప్రభావంతో ఈమెకు డ్యాన్సు అంటే చిన్నప్పటి నుంచి ఆసక్తి ఉండేది. పాఠశాల స్థాయి నుంచి బెరుకు లేకుండా వేదికల మీద నాట్యం చేసేది. ఈమె ఎనిమిదో తరగతిలో ఉండగా ఆమె నాట్యం చూసిన ఓ దర్శకుడు ధూం ధాం అనే తమిళ సినిమాలో కథానాయిక కంగనా రనౌత్ పక్కన చిన్న పాత్రలో అవకాశమిచ్చాడు. తర్వాత మీరా జాస్మిన్ క్లాస్ మేట్ గా కస్తూరి మాన్ అనే మరో సినిమాలో నటించింది.

ఈటీవీలో ఢీ లాంటి కొన్ని డ్యాన్సు కార్యక్రమాల్లో పాల్గొనింది. తండ్రి ఈమె ముందు బాగా చదువుకోవాలనే ఉద్దేశంతో జార్జియా లో వైద్యవిద్య నభ్యసించడానికి పంపించాడు.

సినిమా

వైద్యవిద్య నాలుగు సంవత్సరాలు పూర్తి కాగానే తమిళ దర్శకుడు అల్ఫోన్సో ఈమెను ప్రేమమ్ చిత్రంలో నటించమని అడిగాడు. అలా ఈమె సినీ రంగ ప్రవేశం జరిగింది. తర్వాత శేఖర్ కమ్ముల దర్శకత్వంలో వచ్చిన ఫిదా సినిమాలో కథానాయిక భానుమతి పాత్ర పోషించింది. ఈ సినిమా కోసం తెలుగు నేర్చుకుని స్వంతంగా డబ్బింగ్ చెప్పుకుంది. తర్వాత నాని సరసన ఎం. సి. ఏ చిత్రంలో నటించింది.^[8]

మీడియాలో

విజయ్ దళపతి జి.ఓ.ఎ.టి చిత్రంలో విజయ్ నటనను సాయి పల్లవి ప్రశంసించింది.^[9]

నటించిన చిత్రాలు

సంవత్సరం	సినిమా	పాత్ర	భాషా	ఇతర విషయాలు	మూలాలు
2005	కస్తూరి మాన్	కాలేజీ అమ్మాయి	తమిళ్	గుర్తింపు లేని పాత్ర	[10]
2008	ధామ్ ధూమ్	శెంబా బంధువు[11]	తమిళ్	గుర్తింపు లేని పాత్ర
2015	ప్రేమమ్	మలర్	మలయాళం		[12]
2016	కాళి	అంజలి	మలయాళం		[13]
2017	ఫిదా	భానుమతి	తెలుగు		[14]
	మిడిల్ క్లాస్ అబ్బాయి	పల్లవి "చిన్ని"	తెలుగు		[15]
2018	దియా	తులసి	తమిళ్	ద్విభాషాచిత్రం	[16]
	కణం		తెలుగు
	పడి పడి లేచే మనసు	వైశాలి చెరుకూరి	తెలుగు		[17]
	మారి 2	ఆనంది మారియప్పన్	తమిళ్		[18]
2019	అథిరన్	నిత్య	మలయాళం	తెలుగులో అనుకోని అతిథి	[19]
	ఎన్.జి.కె	గీత కుమారి	తమిళ్, తెలుగు		[20]
2020	పావ కధైగల్	సుమతి	తమిళ్	ఆంథోలోజి ఫిలిం ; సెగ్మెంట్ ఓర్ ఇరవు	[21]
2021	లవ్ స్టోరీ	మౌనిక రాణి	తెలుగు		[22]
	శ్యామ్‌ సింగరాయ్‌	రోజి (మైత్రేయి)	తెలుగు		[23][24]
2022	విరాట పర్వం	వెన్నెల	తెలుగు		[25]
	గార్గి	గార్గి	తెలుగు, తమిళం, కన్నడ		[26]
2024	అమరన్		తమిళం & తెలుగు
2025	తండేల్		తెలుగు

అవార్డులు , నామినేషన్లు

సంవత్సరం	అవార్డు	వర్గం	సినిమా	ఫలితం	మూలాలు
2015	ఆసియా విజన్ అవార్డులు	నటనలో కొత్త సంచలనం - స్త్రీ	ప్రేమమ్	గెలుపు	[27]
	ఏషియానెట్ ఫిల్మ్ అవార్డ్స్	ప్రత్యేక జ్యూరీ అవార్డు		గెలుపు	[28]
	63వ ఫిల్మ్‌ఫేర్ అవార్డ్స్ సౌత్	ఉత్తమ మహిళా అరంగేట్రం - మలయాళం		గెలుపు	[29]
	5వ సౌత్ ఇండియన్ ఇంటర్నేషనల్ మూవీ అవార్డ్స్	ఉత్తమ మహిళా అరంగేట్రం - మలయాళం		గెలుపు	[30]
	వనిత ఫిల్మ్ అవార్డ్స్	ఉత్తమ నూతన నటి - నటి		గెలుపు	[31]
2017	ఏషియానెట్ ఫిల్మ్ అవార్డ్స్	అత్యంత ప్రజాదరణ పొందిన నటి	కలి	గెలుపు	[32]
	64వ ఫిల్మ్‌ఫేర్ అవార్డ్స్ సౌత్	ఉత్తమ నటి - మలయాళం		ప్రతిపాదించబడింది	[33]
	6వ సౌత్ ఇండియన్ ఇంటర్నేషనల్ మూవీ అవార్డ్స్	ఉత్తమ నటి - మలయాళం		ప్రతిపాదించబడింది	[34]
	CPC సినీ అవార్డులు	ఉత్తమ నటి		గెలుపు	[35]
2018	65వ ఫిల్మ్‌ఫేర్ అవార్డ్స్ సౌత్	ఉత్తమ నటి - తెలుగు	ఫిదా	గెలుపు	[36]
	7వ సౌత్ ఇండియన్ ఇంటర్నేషనల్ మూవీ అవార్డ్స్	ఉత్తమ నటి - తెలుగు		ప్రతిపాదించబడింది	[37]
2019	66వ ఫిల్మ్‌ఫేర్ అవార్డ్స్ సౌత్	ఉత్తమ నటి - తమిళం	మారి 2	ప్రతిపాదించబడింది	[38]
2021	10వ సౌత్ ఇండియన్ ఇంటర్నేషనల్ మూవీ అవార్డ్స్	సహాయ పాత్రలో ఉత్తమ నటి	పావ కదైగల్	ప్రతిపాదించబడింది	[39]