తెలంగాణ రాష్ట్ర రాజధాని హైదరాబాదు లోని ఒక ప్రాచీనమైన సంగ్రహాలయం. From Wikipedia, the free encyclopedia
తెలంగాణ రాష్ట్ర సంగ్రహాలయం లేదా హైదరాబాదు మ్యూజియం భారతదేశంలోని తెలంగాణ రాష్ట్ర రాజధాని హైదరాబాదు లోని ఒక ప్రాచీనమైన సంగ్రహాలయం. పురతత్వవేత్త హెన్రీ కోసెన్స్ 19 వ శతాబ్ద ప్రారంభంలో దీని స్థలం గూర్చి అన్వేషించారు. 1940 లలో నిజాం చే ఇది ప్రారంభించబడింది. త్రవ్వకాలలో లభించిన పురాతత్వ వస్తువులను పురాతన స్థలంలో ఉంచేవారు. 1952లో ఈ పురాతత్వ వస్తువులను ఈ సంగ్రహాలయానికి మార్చారు. ఈ సంగ్రహాలయం భారత పురాతత్వ సర్వే విభాగం చే నిర్వహింపబడుతున్నది.[1] హైదరాబాదు పట్టణ అభివృద్ధి సంస్థ (హుడా)చే వారసత్వ కట్టడంగా గుర్తించబడింది.
1930 సంవత్సరంలో VII మిర్ ఒస్మాన్ అలీఖాన్ మొదట తన కూతురి బొమ్మల కోసం నిర్మించినా, మూఢనమ్మకాల మూలంగా మ్యూజియంగా మార్చాడు. దీనిని తొలుత "హైదరాబాదు మ్యూజియం" అనేవారు. దీనిలో అజంతా చిత్రపటాలు, షాజహాన్ ముద్ర కలిగిన ఖురాన్ ప్రత్యేక ఆకర్షణలు.[2] దీనిని 1960లో "ఆంధ్రప్రదేశ్ రాష్ట్ర ఆర్కియాలజీ మ్యూజియం"గా మార్చారు.[2] ఆ తరువాత డా వైఎస్ఆర్ స్టేట్ మ్యూజియమ్ గా మార్చబడింది. తెలంగాణ ఏర్పాటు తరువాత దీనిపేరు స్టేట్ మ్యూజియమ్ హైదరాబాదు గా మారింది. [3]
రాష్ట్రవిభజన ఫలితంగా, శేష ఆంధ్రప్రదేశ్ నుంచి సేకరించినవాటిని ఆంధ్రప్రదేశ్ రాష్ట్రానికి తరలించవలసివుంది.[4]
ఈ సంగ్రహాలయంలో ప్రధాన ఆకర్షణ ఈజిప్టు మమ్మీ. దీనిని ఆరవ నిజాం మహబూబ్ ఆలీఖాన్ యొక్క అల్లుడు హైదరాబాదుకు చేర్చారు. దీనిని ఆఖరి నిజాం అయిన మిర్ ఒస్మాన్ అలీఖానుకు విరాళంగా యిచ్చారు. ఆయన 1000 పౌండ్లకు కొన్నాడు.
ఇచట గత శతాబ్దంలో బుద్ధునికి సంబంధించిన పెద్ద గ్యాలరీ ఉంది. ఈ మ్యూజియంలో నిజాం, కాకతీయ సామ్రాజ్యంలో గల పురాతన వస్తువులు ఉన్నాయి.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
