రచిన్ రవీంద్ర (జననం 1999 నవంబరు 18) న్యూజిలాండ్ క్రికెటరు.[1] అతను 2021 సెప్టెంబరులో న్యూజిలాండ్ క్రికెట్ జట్టు తరఫున అంతర్జాతీయ క్రికెట్ లోకి అడుగుపెట్టాడు.
| వ్యక్తిగత సమాచారం | |
|---|---|
| పుట్టిన తేదీ | 1999 నవంబరు 18 వెల్లింగ్టన్, న్యూజిలాండ్ |
| బ్యాటింగు | ఎడమ చేతి వాటం |
| బౌలింగు | ఎడమ చేతి వాటం |
మూలం: Cricinfo, 2021 3 డిసెంబర్ | |
జీవిత విశేషాలు
రవీంద్ర న్యూజిలాండ్, వెల్లింగ్టన్‌లో భారతీయ తల్లిదండ్రులకు జన్మించాడు.[2] అతని తండ్రి రవి కృష్ణమూర్తి న్యూజీలాండ్‌లో స్థిరపడ్డ సాఫ్ట్‌వేరు ఆర్కిటెక్టు. అతను బెంగళూరులో ఉండగా క్లబ్ క్రికెట్ ఆడేవాడు.[3] రవీంద్ర తాత, ప్రముఖ బయాలజీ ప్రొఫెసరైన టిఎ. బాలకృష్ణ ఆడిగ. రచిన్ తండ్రికి ఇష్టమైన క్రికెటర్లు రాహుల్ ద్రావిడ్, సచిన్ టెండూల్కర్‌లు. రాహుల్ లోని ర ను, సచిన్ లోని చిన్ లను కుమారుడికి రచిన్ అనే పేరు పెట్టాడు. [4]
కెరీర్
అతను 2016 అండర్-19 క్రికెట్ ప్రపంచ కప్, 2018 అండర్-19 క్రికెట్ ప్రపంచ కప్ న్యూజిలాండ్ జట్టులో చోటు సంపాదించాడు. 2018 జూన్‌లో 2018–19 సీజన్ కు వెల్లింగ్టన్ తో ఒప్పందం కుదుర్చుకున్నాడు. [5]
లిస్ట్ ఎ
అతను అక్టోబరు 21 న పాకిస్తాన్ ఎతో న్యూజిలాండ్ ఎ తరఫున లిస్ట్ ఎ రంగప్రవేశం చేశాడు. 2018 అక్టోబరు 30 న పాకిస్తాన్ ఎ పైనే న్యూజిలాండ్ ఎ తరఫున ఫస్ట్ క్లాస్ రంగప్రవేశం కూడా చేశాడు. 2019–20 ఫోర్డ్ ట్రోఫీలో ఆక్లాండ్ పై వెల్లింగ్టన్ తరఫున రవీంద్ర లిస్ట్ ఎ క్రికెట్ లో తన మొదటి సెంచరీని సాధించాడు. 2020 మార్చిలో 2019–20 ప్లుంకెట్ షీల్డ్ సీజన్ లో ఆరవ రౌండ్ లో ఫస్ట్ క్లాస్ క్రికెట్ లో తన తొలి సెంచరీని సాధించాడు. [6]
జూన్ 2020లో 2020-21 దేశీయ క్రికెట్ సీజన్ కు ముందు వెల్లింగ్టన్ అతనితో ఒప్పందం కుద్ర్చుకుంది. 2020 నవంబరులో, పర్యటనలో ఉన్న వెస్టిండీస్ జట్టుతో ప్రాక్టీస్ మ్యాచ్‌ల కోసం న్యూజిలాండ్ ఎ క్రికెట్ జట్టులో రవీంద్ర ఎంపికయ్యాడు. [7] మొదటి ప్రాక్టీస్ మ్యాచ్ లో రవీంద్ర 112 పరుగులతో సెంచరీ సాధించాడు. [8]
అంతర్జాతీయ కెరీర్
ఏప్రిల్ 2021లో ఇంగ్లాండ్‌తో సిరీస్‌కు, 2019-21 ఐసిసి వరల్డ్ టెస్టు ఛాంపియన్ షిప్ ఫైనల్‌కు న్యూజిలాండ్ టెస్టు జట్టులో రవీంద్ర ఎంపికయ్యాడు. పాకిస్తాన్ పర్యటన కోసం న్యూజిలాండ్ వన్డే జట్టులో ఎంపికయ్యాడు. బంగ్లాదేశ్ తో 2021 సెప్టెంబరు 1న తన తొలి టీ20 ఆడాడు.[9]
2021 నవంబరులో భారత్ తో జరిగిన సిరీస్ కు న్యూజిలాండ్ టెస్టు జట్టులో రవీంద్ర ఎంపికయ్యాడు. 2021 నవంబరు 25 న భారత్‌పై తొలి టెస్టు ఆడాడు.[10]
మూలాలు
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
