యూరో కార్డేటా

యూరో కార్డేటా (Urochordata) లేదా ట్యునికేటా (Tunicata)కార్డేటాలోని ఉప వర్గము.

యూరో కార్డేటా Temporal range: Early Cambrian–Recent PreꞒ Ꞓ O S D C P T J K Pg N
Sea Tulips, Pyura spinifera
Scientific classification
Kingdom:	ఏనిమేలియా
Phylum:	కార్డేటా
Subphylum:	యూరో కార్డేటా Giribet et al., 2000
తరగతులు
అసిడియేషియా (2,300 జాతులు) థాలియేషియా Appendicularia Sorberacea

సాధారణ లక్షణాలు

• ఇవి ప్రపంచమంతా సముద్రాలలో విస్తరించాయి.
• అన్ని సముద్రాలలో తీర ప్రాంతము, లోతు జలాలలో జీవిస్తున్నాయి.
• ఇవి ఎక్కువగా స్థానబద్ధ జీవులు, కొన్ని ప్లవక జీవులు.
• ఇవి సరళంగా లేక సహనివేశాలుగా ఉంటాయి.
• ఇవి వివిధ పరిమాణాలలో (0.25 నుండి 250 మి.మీ.), ఆకారము, వర్ణాలలో ఉంటాయి.
• డింభక దశ సంక్లిష్టంగా ఉండి ప్రౌఢదశ సరళంగా ఉంటుంది.
• శరీరాన్ని కప్పుతూ సెల్యులోస్ వంటి పదార్ధమైన ట్యునిసిన్ (Tunicin) రక్షణ కొరకు, కవచము లేక కంచుకముగా ఏర్పడి ఉంటుంది. అందువలన "ట్యునికేటా" అని పేరు వచ్చింది.
• జలశ్వాస, పృష్ట ఆట్రియల్ రంధ్రము ఉంటాయి.
• శరీర కుహరము ఉండదు. కాని బహిస్త్వచముతో చుట్టబడిన ఆట్రియల్ కుహరము వెలుపలికి ఆట్రియల్ రంధ్రము ద్వారా తెరుచుకుంటుంది.
• పృష్టవంశము డింభకదశలో తోక భాగమునకు పరిమితమై ప్రౌఢదశలో లోపించి ఉంటుంది. అందువలన "యూరో కార్డేటా" అను పేరు వచ్చింది.
• జీర్ణనాళములో గ్రసని (జలశ్వాసగోణి) ఎండోస్తైల్ తో కూడి అనేక జతల మొప్ప చీలికలను కలిగివుంటుంది.
• శ్వాసక్రియ కవచము, మొప్పచీలికల వలన జరుగుతుంది.
• రక్తప్రసరణ వ్యవస్థ వివృత పద్ధతిలో ఉంటుంది. గుండె సరళంగా నాళికాయుతంగా ఉండి, రక్తము ముందుకు వెనుకను ప్రవహిస్తుంది.
• రక్తము వెనడోసైట్స్ ను కలిగి, సముద్ర నీటి నుండి వెనిడియమ్ ను గ్రహిస్తాయి.
• విసర్జన క్రియ నాడీ గ్రంధి, జఠర నిర్గమ గ్రంధి, వృక్కకోశము వలన జరుగుతుంది.
• అభివృద్ధి అప్రత్యక్షంగా ఉండి, నీటిలో స్వేచ్ఛగా ఈదే డింభకదశను కలిగివుంటుంది.
• ఈ జీవులు తిరోగామి రూపవిక్రియను ప్రదర్శిస్తాయి.
• ఉభయ లైంగిక జీవులు. ప్రత్యుత్పత్తి లైంగిక, అలైంగిక పద్ధతిలో జరుగుతుంది.

వర్గీకరణ

ఎస్.ఎమ్.దాస్ (1957) యూరో కార్డేటాను మూడు విభాగాలుగా విభజించెను.

• అసిడియేషియా (Ascidiacea) :
• థాలియేషియా (Thaliacea) :
• లార్వేషియా (Larvacea)

బయటి లింకులు

వికీమీడియా కామన్స్‌లో

Tunicata

కి సంబంధించిన మీడియా ఉంది.

• The Tunicate portalis an access point to the main websites and databases dealing with tunicates Archived 2010-08-26 at the Wayback Machine
• Ascidians.com has pictures of species around the world
• Aniseed: A model organism database for several ascidians species including Ciona intestinalis and Halocynthia roretzi
• New breed of Sea squirt found