మెదక్ రెవెన్యూ డివిజను

మెదక్ రెవెన్యూ డివిజను, తెలంగాణ రాష్ట్రం, మెదక్ జిల్లాలోని ఒక పరిపాలనా విభాగం. మెదక్ జిల్లాలోవున్న మూడు రెవెన్యూ డివిజన్లలో ఇది ఒకటి. ఈ డివిజను పరిపాలనలో 10 మండలాలు ఉన్నాయి.^[1] ఈ డివిజను ప్రధాన కార్యాలయం మెదక్ పట్టణంలో ఉంది. 2016, అక్టోబరు 11న రాష్ట్రంలోని జిల్లాల పునర్వ్యవస్థీకరణ ఆధారంగా రెవెన్యూ డివిజను పరిధి సవరించబడింది.^[2] ఈ రెవెన్యూ డివిజను మెదక్ లోక్‌సభ నియోజకవర్గం, మెదక్ శాసనసభ నియోజకవర్గం పరిధిలో భాగంగా ఉంది.

మెదక్ రెవెన్యూ డివిజను
దేశం	భారతదేశం
రాష్ట్రం	తెలంగాణ
జిల్లా	మెదక్

వివరాలు

ఐఏఎస్ క్యాడర్‌లో సబ్ కలెక్టర్ లేదా డిప్యూటి కలెక్టర్ హోదాలో ఉన్న రెవెన్యూ డివిజనల్ అధికారి ఈ రెవెన్యూ విభాగానికి ఆఫీసర్ గా ఉంటాడు. తహశీల్దార్ కేడర్‌లోని అడ్మినిస్ట్రేటివ్ ఆఫీసర్ పరిపాలనలో సహాయం చేస్తాడు. కలెక్టరేట్‌, మండల రెవెన్యూ విభాగాల మధ్య అనుసంధానంగా ఈ డివిజను పరిపాలనా వ్యవహారాలలో పనిచేస్తుంటుంది.^[3][4]

పరిపాలన

మెదక్ డివిజనులోని మండలాలు:^[5]

క్ర.సం	మెదక్ రెవెన్యూ డివిజను	మండలంలోని రెవెన్యూ గ్రామాల సంఖ్య
1	మెదక్ మండలం	15 రెవెన్యూ గ్రామాలు
2	హవేలిఘన్‌పూర్ మండలం	22 రెవెన్యూ గ్రామాలు (1 నిర్జన గ్రామం)
3	పాపన్నపేట మండలం	26 రెవెన్యూ గ్రామాలు
4	శంకరంపేట (ఎ) మండలం	25 రెవెన్యూ గ్రామాలు (2 నిర్జన గ్రామాలు)
5	టేక్మల్ మండలం	20 రెవెన్యూ గ్రామాలు
6	ఆళ్ళదుర్గ్ మండలం	9 రెవెన్యూ గ్రామాలు
7	రేగోడు మండలం	17 రెవెన్యూ గ్రామాలు

గమనిక:గతంలో ఈ రెవెన్యూ డివిజనులో 10 మండలాలు ఉండేవి. వాటిలోని రామాయంపేట, నిజాంపేట, శంకరంపేట గ్రామీణ మండలాలను, ఇదే జిల్లాలో కొత్తగా ఏర్పడిన రామాయంపేట రెవెన్యూ డివిజనులో విలీనమయ్యాయి.^[6]