మహబూబాబాద్

మహబూబాబాద్, తెలంగాణ రాష్ట్రంలోని నూతనంగా ఏర్పాటైన మహబూబాబాద్ జిల్లాకు చెందిన పట్టణం, అదే పేరు గల జిల్లాకు ప్రధాన కేంద్రం,మండల కేంద్రం..^[1] 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత వరంగల్ జిల్లా లోని ఇదే మండలంలో ఉండేది.^[2] మహబూబాబాద్ ను మానుకొట అని కూడా అంటారు.మహబూబాబాద్ జిల్లాలో పెద్ద పట్టణం.ఇది మైదాన ప్రాంతానికి చెందిన నగరం. ఎన్నో విద్యాసంస్థలు, సూపర్ స్పెషాలిటి సదుపాయాలు కల ఆసుపత్రిలు ఉన్నాయి. ఇది శాసనసభ, లోక్‌సభ నియోజకవర్గ కేంద్రస్థానం.

?మహబూబాబాద్ తెలంగాణ • భారతదేశం
మహబూబాబాద్
అక్షాంశరేఖాంశాలు: 17.6167°N 80.0167°E / 17.6167; 80.0167
కాలాంశం	భాప్రాకా (గ్రీ.కా+5:30)
విస్తీర్ణం	44.99 కి.మీ² (17 చ.మై)
జిల్లా (లు)	మహబూబాబాద్
అధికార భాష	తెలుగు
పురపాలక సంఘం	మహబూబాబాద్

పేరు వెనుక చరిత్ర

జిల్లా గ్రంథాలయం మహబూబాబాద్

మానుకోట తెలుగులో “మ్రాను” అంటే “చెట్టు”, “కోట” అంటే “కోట”. ఆంగ్లంలో ఇది “చెట్లతో చేసిన కోట” అని అనువదిస్తుంది. పూర్వపు రోజుల్లో మానుకోట కోట వంటి చెట్లతో పుష్కలంగా ఉండేది. అందుకే ఈ ప్రాంతాన్ని మానుకోట అని పిలుస్తారు.

నిజాం పాలకుడు “మహాబూబ్ అలీ ఖాన్” నగరాన్ని సందర్శించినప్పుడు, మానుకోటను మహబూబాబాద్గా మార్పు చేశారు. నిజాం అధికారులలో ఒకరైన మహాబుబ్. అతను ఒకసారి స్వతంత్రానికి ముందు మనుకోటకు వచ్చి ఈ పట్టణం వెలుపల “షికార్ఖానా” అని పిలువబడే ప్రదేశంలో ఉన్నాడు. ఆ కారణంగా మహాబూబాబాద్ అని పిలుస్తూ ఉండడంతో కాలం గడిచేకొద్దీ మనుకోట పేరు మహబూబాబాద్గా మార్చబడింది.^[3]

గణాంకాలు

2011 భారత జనాభా గణాంకాల ప్రకారం జనాభా - మొత్తం 1,13,812 - పురుషులు 56,424 - స్త్రీలు 57,388.

వరంగల్ జిల్లా నుండి మహబూబాబాద్ జిల్లాకు మార్పు.

లోగడ మహబూబాబాద్ వరంగల్ జిల్లాకు చెందిన ఒక పట్టణం, రెవెన్యూ డివిజన్,మండల కేంద్రం.2014 లో తెలంగాణా ప్రత్యేక రాష్ట్రంగా ఏర్పడిన తరువాత మొదటిసారిగా 2016 లో ప్రభుత్వం నూతన జిల్లాలు, రెవెన్యూ డివిజన్లు, మండలాల ఏర్పాటులో భాగంగా మహబూబాబాద్ ను కొత్త జిల్లాగా ప్రకటించి, అదే జిల్లాలో రెవెన్యూ డివిజను కేంద్రంగా, మండలం కేంద్రంగా (1+19) ఇరవై గ్రామాలుతో ది.11.10.2016 నుండి అమలులోకి తెస్తూ ప్రభుత్వం ఉత్తర్వు జారీచేసింది.^[1]

రవాణా సదుపాయాలు

మహబూబాబాదుకు బస్సు, రైలు మార్గంలో ప్రధాన పట్టణాల నుంచి మంచి రవాణా సదుపాయాలు ఉన్నాయి. కాజీపేట్ - విజయవాడ రైలు మార్గంలో రైల్వేస్టేషన్ ఉంది. రోడ్డు మార్గంలో జిల్లా కేంద్రమైన వరంగల్లు నుంచి 61 కిమీ దూరంలో ఉంది. సమీపంలోని విమానాశ్రయం రాజీవ్‌గాంధీ అంతర్జాతీయ విమానాశ్రయం. ఇది 200 కిమీ దూరంలో ఉంది.

కలెక్టరేట్‌ నూతన భవన సముదాయం

జిల్లాస్థాయి శాఖల అధికారులు ఉండేలా జిల్లా కేంద్రంలో సమీకృత జిల్లా కార్యాలయాల సముదాయం నిర్మించబడింది. 2023, జనవరి 12న తెలంగాణ రాష్ట్ర ముఖ్యమంత్రి కేసీఆర్ కలెక్టరేట్‌ నూతన భవన సముదాయాన్ని (సమీకృత జిల్లా కార్యాలయాల సముదాయం) ప్రారంభించాడు. కార్యాలయానికి చేరుకున్న కేసీఆర్‌ పోలీసుల గౌరవ వందనం స్వీకరించాడు. ఆ తర్వాత కార్యాలయాన్ని ప్రారంభించి, ప్రత్యేక పూజల్లో పాల్గొన్నాడు. అనంతరం ఛాంబర్‌లో కలెక్టర్‌ శశాంక్ ను కుర్చీలో కూర్చుండబెట్టి పుష్పగుచ్ఛం అందించి శుభాకాంక్షలు తెలిపాడు. ఈ కార్యక్రమంలో రాష్ట్ర మంత్రులు వేముల ప్రశాంత్‌ రెడ్డి, ఎర్రబెల్లి దాయకర్‌ రావు, సత్యవతి రాథోడ్‌, ప్రభుత్వ ప్రధాన కార్యదర్శి శాంతికుమారి, ఎంపీలు మాలోత్ కవిత, పసునూరి దయాకర్ లతోపాటు స్థానిక ఎమ్మెల్సీలు, ఎమ్మెల్యేలు, జిల్లా ఇతర ప్రజాప్రతినిధులు, అధికారులు పాల్గొన్నారు.^[4][5]

ప్రభుత్వ ఆసుపత్రి

మహబూబాబాద్ జిల్లా కేంద్రంలోని ఏరియా హాస్పిటల్ ప్రాంగణంలో వెల్స్ ఫార్గో, యునైటెడ్ వే అనే స్వచ్ఛంద సంస్థల సహకారంతో 70 లక్షల రూపాయల వ్యయంతో 36 పడకల భవనం నిర్మించబడింది. ఇందులో క్రిటికల్ కేర్, కొవిడ్ రోగుల చికిత్స చేస్తారు. 2022 ఏప్రిల్ 18న తెలంగాణ రాష్ట్ర గిరిజనాభివృద్ధి, స్త్రీ, శిశు సంక్షేమ శాఖామంత్రి సత్యవతి రాథోడ్, రాష్ట్ర పంచాయతీరాజ్ శాఖామంత్రి ఎర్రబెల్లి దయాకర్‌రావు ప్రారంభించారు. ఈ కార్యక్రమంలో మహబూబాబాద్ ఎంపీ మాలోతు కవిత, ఎమ్మెల్సీ తక్కెళ్లపల్లి రవీందర్ రావు, మహబూబాబాద్ ఎమ్మెల్యే శంకర్ నాయక్, జెడ్పీ చైర్ పర్సన్ బిందు, మున్సిపల్ చైర్మన్ రామ్మోహన్ రెడ్డి, వైస్ చైర్మన్ ఫరీద్, కలెక్టర్ శశాంక, అదనపు కలెక్టర్ అభిలాష అభినవ్ పాల్గొన్నారు.^[6]

వైద్య కళాశాల

మహబూబాబాద్ జిల్లా కేంద్రంలో 550 కోట్ల రూపాయలతో నిర్మించనున్న మహబూబాబాద్ ప్రభుత్వ వైద్య కళాశాలకు 2022 మే 10న తెలంగాణ రాష్ట్ర వైద్యారోగ్య శాఖామంత్రి టి. హరీశ్‌ రావు శంకుస్థాపన చేశాడు. జిల్లా కేంద్రంలోని ప్రభుత్వ దవాఖానాలో రేడియాలజీ సేవల భవనం, 41 పడకల జనరల్ వార్డ్, డెడికేటెడ్ పీడియాట్రిక్ కేర్ యూనిట్ ప్రారంభించాడు. ఈ కార్యక్రమంలో రాష్ట్ర పంచాయతీ రాజ్ శాఖామంత్రి ఎర్రబెల్లి దయాకర్ రావు, గిరిజన సంక్షేమ శాఖ మంత్రి సత్యవతి రాథోడ్, మహబూబాబాద్ ఎంపీ మాలోతు కవిత, మహబూబాబాద్ ఎమ్మెల్యే శంకర్ నాయక్, డోర్నకల్ ఎమ్మెల్యే రెడ్యా నాయక్, ఎమ్మెల్సీ తక్కెళ్లపల్లి రవీందర్ రావు, జిల్లా కలెక్టర్ కె. శశాంక, జెడ్పీ చైర్‌ పర్సన్‌ అంగొతు బిందు తదితరులు ఉన్నారు.^[7] ఈ వైద్య కళాశాలకు 2022-23 విద్యా సంవత్సరానికి 150 ఎంబిబిఎస్ సీట్లకు అనుమతి లభించింది.^[8]

ఇంటిగ్రేటెడ్‌ మార్కెట్లు

ఈ పట్టణంలో 5 కోట్ల రూపాయలతో నిర్మించిన ఇంటిగ్రేటెడ్‌ వెజ్ అండ్‌ నాన్‌వెజ్‌, ఫ్రూట్స్‌, ఫ్లవర్‌ మార్కెట్లను 2023 జూన్ 30న తెలంగాణ రాష్ట్ర ఐటీ-మున్సిపల్‌-పరిశ్రమల శాఖామంత్రి కల్వకుంట్ల తారక రామారావు ప్రారంభించాడు.^[9] తహసీల్దార్‌ కార్యాలయం వద్ద 50 కోట్ల రూపాయలతో చేపట్టిన వివిధ అభివృద్ధి పనుల పైలాన్‌ను ఆవిష్కరించాడు. ఈ కార్యక్రమంలో మంత్రులు దయాకర్ రావు, సత్యవతి రాథోడ్, ఎంపీ మాలోతు కవిత, ఎమ్మెల్యేలు శంకర్ నాయక్, రెడ్యా నాయక్, ఎమ్మెల్సీ తక్కెళ్లపల్లి రవీందర్ రావులతోపాటు స్థానిక నాయకులు, అధికారులు పాల్గొన్నారు.^[10]

పట్టణ ప్రముఖులు

• మీర్జా సైఫీయుల్లా బేగ్‌: తెలంగాణ హైకోర్టు న్యాయమూర్తి^[11][12]

ఇవి కూడా చూడండి

• మహబూబాబాద్ శాసనసభ నియోజకవర్గం
• మహబూబాబాద్ లోక్‌సభ నియోజకవర్గం

ప్రదేశాలు జలపాతంలు

1.B.N గుప్తా (తులారం)జలపాతం,2.ఏడుబావుల జలపాతం,3.బయ్యారం చెరువుశాసనం,4.భీమునిపాదం జలపాతం,5.కంబాలపల్లి చెరువు,6.కురవి వీరభద్రస్వామి,7.అనంతరం (అనంత్రద్రీ), 8.డోర్నకల్ చర్చీ, బాలనాయక్స్స సొనో,9.గుంజేడు ముసలమ్మ దేవాలయం

మూలాలు

1. తెలంగాణ ప్రభుత్వ ఉత్తర్వు సంఖ్య GO Ms No 235 Revenue (DA-CMRF) Department, Dated: 11-10-2016
2. "మహబూబాబాదు జిల్లా" (PDF). తెలంగాణ గనుల శాఖ. Archived (PDF) from the original on 2022-01-06. Retrieved 2021-01-06.
3. "manu kota mahabubabad - Google Search". www.google.com. Retrieved 2022-06-14.
4. hansindia (2023-01-12). "KCR at inaugurating the new Collectorate building complex of Mahabubabad Photo Gallery". www.thehansindia.com (in ఇంగ్లీష్). Archived from the original on 2023-01-12. Retrieved 2023-01-12.
5. telugu, NT News (2023-01-12). "మహబూబాబాద్‌ జిల్లా సమీకృత కలెక్టరేట్‌ను ప్రారంభించిన సీఎం కేసీఆర్‌". www.ntnews.com. Archived from the original on 2023-01-12. Retrieved 2023-01-12.
6. telugu, NT News (2022-04-18). "మారుమూల ప్రాంతాల్లో కూడా కార్పొరేట్‌ వైద్యం : మంత్రులు సత్యవతి, ఎర్రబెల్లి". Namasthe Telangana. Archived from the original on 2022-04-18. Retrieved 2022-04-18.
7. telugu, NT News (2022-05-10). "తెలంగాణ రాష్ట్ర ఏర్పాటుతోనే మానుకోట అభివృద్ధి : మంత్రి హరీశ్ రావు". Namasthe Telangana. Archived from the original on 2022-05-11. Retrieved 2022-05-11.
8. "మహబూబాబాద్‌ కొత్త వైద్య కళాశాలకు అనుమతి". EENADU. Archived from the original on 2022-11-04. Retrieved 2022-11-04.
9. "Modi shifted coach factory to Gujarat, left Telangana with repair shed: KTR". The New Indian Express. 2023-07-01. Archived from the original on 2023-07-05. Retrieved 2023-07-10.
10. "Mahabubabad : ఇంటిగ్రేటెడ్‌ మార్కెట్‌ను ప్రారంభించిన మంత్రి కేటీఆర్‌". Prabha News. 2023-06-30. Archived from the original on 2023-06-30. Retrieved 2023-07-10.
11. telugu, NT News (2022-02-02). "తెలంగాణ హైకోర్టుకు మరో 12 మంది జడ్జిలు!". Namasthe Telangana. Archived from the original on 2022-02-03. Retrieved 2022-02-03.
12. "హైకోర్టుకు 12 మంది జడ్జీలు!". Sakshi. 2022-02-03. Archived from the original on 2022-02-03. Retrieved 2022-02-03.

బయటి లింకులు