From Wikipedia, the free encyclopedia
పర్వీన్ బాబీ (1954 ఏప్రిల్ 4 - 2005 జనవరి 20) ఒక భారతీయ నటి, మోడల్. 1970లు, 1980ల ప్రారంభంలో హిందీ చిత్రాలలో ఆమె నటనకు మంచి గుర్తింపు పొందింది.[5] పర్వీన్ బాబీ తన "గ్లామరస్" నటనా శైలికి ప్రసిద్ధి చెందింది. ఆ సమయంలో అత్యధిక పారితోషికం తీసుకునే నటీమణులలో ఒకరు.[6] ఆమెకున్న మోడలింగ్, ఫ్యాషన్ సెన్స్ ఆమెను ఐకాన్గా నిలబెట్టాయి.[7]
పర్వీన్ బాబీ 1954 ఏప్రిల్ 4న సౌరాష్ట్రలోని జునాగఢ్లో (ప్రస్తుతం గుజరాత్లో ఉంది) జన్మించింది. గుజరాత్లోని పఠాన్లుగా పిలువబడే పష్టూన్ల ఖిల్జీ బాబీ తెగకు చెందిన జునాగఢ్కు చెందిన గొప్ప కుటుంబంలో ఆమె ఏకైక సంతానం.[8] ఆమె తన తల్లిదండ్రుల వివాహమైన పద్నాలుగు సంవత్సరాలకు జన్మించింది. ఆమె తండ్రి వాలి మహమ్మద్ ఖాన్ బాబీ, జునాగఢ్ నవాబు వద్ద నిర్వాహకుడు. ఆమె తల్లి జమాల్ బఖ్తే బాబీ (మరణం 2001).[9][10] 1959లో పర్వీన్ బాబీ ఐదేళ్ల వయసులో తండ్రిని కోల్పోయింది. ఆమె అహ్మదాబాద్ లోని మౌంట్ కార్మెల్ హైస్కూల్ నుండి ప్రాథమిక పాఠశాల విద్యను అభ్యసించింది. ఆ తర్వాత సెయింట్ జేవియర్స్ కాలేజీలో ఆంగ్ల సాహిత్యంలో బ్యాచిలర్ ఆఫ్ ఆర్ట్స్ను పర్వీన్ బాబీ సంపాదించింది.[11]
చరిత్ర (1973) చిత్రంతో తన నటనా రంగ ప్రవేశం చేసింది. మజ్బూర్ (1974)లో నీల పాత్రకు ఆమె గుర్తింపు పొందింది. ఆమె యాక్షన్ క్రైమ్-డ్రామా చిత్రం దీవార్ (1975)లో అనితగా నటించి కెరీర్ లో పురోగతి సాధించింది. దీంతో అనేక విజయవంతమైన చిత్రాలలో నటించే అవకాశం వచ్చింది. ముఖ్యంగా అమర్ అక్బర్ ఆంథోనీ (1977)లో జెన్నీగా, సుహాగ్ (1979), కాలా పత్తర్ (1979), ది బర్నింగ్ ట్రైన్ (1980)లో శీతల్, షాన్ (1980)లో సునీత, కాలియా (1981)లో షల్లిని / రాణి, నమక్ హలాల్ (1982)లో నిషా పాత్రలు ఆ తరం ప్రేక్షకుల మదిలో చిరస్థాయిగా నిలిచిపోయాయి. 1976లో టైమ్ మ్యాగజైన్ ముఖచిత్రంపై కనిపించిన మొదటి బాలీవుడ్ తారగా గుర్తింపు తెచ్చుకుంది. 1980ల మధ్య కెరీర్లో ఒడిదుడుకులకు లోనైన పర్వీన్ బాబీ చివరికి 1991లో చిత్ర పరిశ్రమ నుండి రిటైర్ అయింది.
కబీర్ బేడీ, డానీ డెంజోంగ్పా, మహేష్ భట్లతో వరుస సంబంధాల తర్వాత కూడా ఆమె అవివాహితగానే మిగిలిపోయింది. ఆమెకు ఆ తరవాత రోజుల్లో స్కిజోఫ్రెనియా(మతిస్థిమితం లేకపోవడం) ఉన్నట్లు నిర్ధారణ అయింది. అలాగే మధుమేహం, ఆస్టియో ఆర్థరైటిస్.. ఇలా అన్ని చుట్టుముట్టి 2005 జనవరి 20న పర్వీన్ బాబీ మరణించింది.[12][13][14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.