From Wikipedia, the free encyclopedia
నీహారిక కొణిదెల తెలుగు సినిమా నటి. ప్రముఖ నటుడు, నిర్మాత, టీవీ యాంకర్ అయిన నాగేంద్రబాబు కూతురు. నీహారిక నటి కంటే ముందు ఢీ జూనియర్స్ అనే డ్యాన్స్ రియాలిటీ షోలకు యాంకర్ గా వ్యవహరించింది. అటు తర్వాత ముద్దపప్పు ఆవకాయ అనే షార్ట్ ఫిలింలో కథానాయికగా నటించింది. జూన్ 2016లో విడుదలైన ఒక మనసు అనే చిత్రం ద్వారా తెలుగు సినిమా నటిగా తెరంగేట్రం చేసినది.
ఆమె తెలుగు సినిమాకు తెరంగేట్రం చేసే ముందు టెలివిజన్ లో వ్యాఖ్యాతగా పనిచేసారు.[1][2] ఆమె తెలుగూ టెలివిజన్ ఛానల్ "ఈటీవీ"లో నిర్వహింపబడు తెలుగు డ్యాన్స్ రియాలిటీ షోలు అయిన ఢీ జూనియర్స్-1, ఢీ జూనియర్స్-2 లకు ఆంకర్ గా పనిచేసింది.[3] ఆమె తెలుగు భాషలో వెలువడిన లఘు చిత్రం "ముద్దపప్పు ఆవకాయ్"లో నటించారు, నిర్మించారు. ఈ సిరీస్ యూట్యూబ్ లో రిలీజ్ అయింది. ఇది ప్రేక్షకులను విశేషంగా ఆకట్టుకుంది.[4] 2015 సెప్టెంబరు చివరిలో ఆమె ఒక మనసు చిత్రంలో నటించుటకు సంతకం చేసారు.[5] ముద్దపప్పు ఆవకాయ్ లఘు చిత్రంలో ఈ నగరంలో పెరిగిన ఈ తరం అమ్మాయిలా జీన్స్ ప్యాంటులు వేసుకొని చేసిన పాత్రలో నీహారిక ఒదిగిపోయింది. ఒక మనసు లో పక్కింటి అమ్మాయి వలె చుడీదార్లు/చీరలు కట్టి మెప్పించి అన్ని రకాల పాత్రలు చేయగలదని నిరూపించుకొన్నది.
| సంవత్సరం | సినిమా | పాత్ర | భాష | వివరాలు |
|---|---|---|---|---|
| 2016 | ముద్దపప్పు ఆవకాయ్ | ఆశా | తెలుగు | లఘుచిత్రం (ఐదు భాగాలు, నిర్మాత కూడా |
| 2016 | ఒక మనసు | సంధ్య | తెలుగు | తెలుగు సినిమా రంగప్రవేశం[6] |
| 2017 | నాన్న కూచి | తారా | తెలుగు | వెబ్‌-సిరీస్ నిర్మాత కూడా |
| 2018 | ఒరు నల్లనాళ్ పాత్తు సొల్ఱేన్ | సౌమ్యా | తమిళం | తమిళ సినిమా రంగప్రవేశం |
| 2018 | హ్యపి వెడ్డింగ్ | తెలుగు | ||
| 2019 | సైరా నరసింహారెడ్డి | తెలుగు | ||
| 2019 | సూర్యకాంతం | తెలుగు |
ఆమె తెలుగు సినిమా నటుడు నాగేంద్ర బాబు కుమార్తె.[7]
నిహారికకు 2020 డిసెంబర్‌లో గుంటూరు ఐజి జె.ప్రభాకర్ కుమారుడు చైతన్య జొన్నలగడ్డతో రాజస్థాన్‌లోని ఉదయపూర్‌లో వారి కుటుంబ సభ్యుల సమక్షంలో వివాహం జరిగింది. అనంతరం పెళ్లి తర్వాత వీరి కాపురం కొన్ని రోజులు సజావుగా సాగినా తర్వాత వీళ్ళిద్దరి మధ్య మనస్పర్ధలు రావడంతో 2023 మే 19న వీరిద్దరూ హైదరాబాద్‌లోని కూకట్‌పల్లి ఫ్యామిలీ కోర్టులో విడాకుల కోసం దరఖాస్తు చేసుకున్నారు. దీనిపై విచారణ జరిపిన న్యాయస్థానం ఇద్దరికీ మ్యుచువల్‌ డైవర్స్‌ మంజూరు చేసింది.[8][9]
ఫేస్ బుక్, ట్విట్టర్, యూట్యూబ్, లలో నీహారిక IamNiharikaK అనే పేరుతో క్రియాశీలకంగా ఉన్నారు.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
