ఈ శతకములో కృష్ణా దేవకీనందనా అనే మకుటముతో 108 పద్యాలు ఉన్నాయి[1]. నామమాత్రము విశిష్టమై మఱుగున పడి ఉన్న ఈ శతకాన్ని గద్వాల సంస్థానములోని పుస్తక భాండాగారములో తాళపత్ర లిఖితమై ఉండుట చూచి గద్వాల మహారాణి ముద్రింపించి ప్రకటించింది. ఈ శతకము ద్రాక్షాపాకములో, వైదర్భీరీతిలో, పండిత పామరుల హృదయంగమంగా ఉంది.
 | విజ్ఞాన సర్వస్వంతో సమ్మిళితం కావాలంటే ఈ వ్యాసం నుండి ఇతర వ్యాసాలకు మరిన్ని లింకులుండాలి. (అక్టోబరు 2016) |
| దేవకీనందన శతకము | |
|---|---|
| కవి పేరు | వెన్నెలకంటి జన్నయ్య |
| మొదటి ప్రచురణ తేదీ | 1450 |
| దేశం | భారతదేశం |
| భాష | తెలుగు |
| మకుటం | కృష్ణా దేవకీనందనా! |
| విషయము(లు) | భక్తి |
| పద్యం/గద్యం | పద్యం |
| ఛందస్సు | శార్దూల మత్తేభములు |
| ప్రచురణ కర్త | గద్వాల మహారాణి |
| ప్రచురణ తేదీ | 1929బ్ |
| మొత్తం పద్యముల సంఖ్య | 108 |
శా|| పాత్రాపాత్రవివేకముల్ సమసె పాపం బెచ్చెఁబుణ్యంబులే
మిత్రఘ్నత్వము కల్లలాడుటలు స్వామిద్రోహమున్ కొండెమున్
ధాత్రిం బూజ్యములయ్యె సాధువుల చందంబెట్లు రక్షించెదో
సత్రాజిచిత్తనయామనోరమణకృష్ణా, దేవకీనందనా!
శా|| అందెల్ చిన్ని పసిండి గజ్జెలును మ్రోయన్ మేఖలా ఘంటికల్
క్రందై తోఁపఁగ రావిరేకు నుదుటన్ గన్పింప గోపాంగనా
నందంబొందఁగ వెన్నముద్దలకునై వర్తించు నీ బాల్యపున్
చందంబాది విజుల్ నుతింపఁదగుఁగృష్ణా, దేవకీనందనా!
శా|| నీడల్ దేరెడు చెక్కుటద్దములతో నిద్దంపునెమ్మోముతో
కూడీకూడని చిప్పకూఁకటులతో గోపార్భక శ్రేణితో
వ్రీడాశూన్య కటేరమండలముతో వ్రేపల్లెలో నీవు నాఁ
డాడేశైశవమూర్తినేఁ దలఁతుఁగృష్ణా, దేవకీనందనా!
మ|| అమరుల్ పద్మజువ్రాఁత దాఁట రెవఁడొక్కబ్దంబు పెడయ్యె దు
ర్దమదోర్దండ పటు ప్రతాపనిజసంరంభామరానిక వి
క్రమ దుర్వారగజాసుర ప్రళయమింకం జేసిన ట్టీశ్వరున్
సమరక్షోణిజయించు నర్జునుఁడు కృష్ణా, దేవకీనందనా!
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
