తిరువయిందిర పురమ్

తిరువయిందిర పురమ్ భారత దేశంలోని ప్రసిద్ధ వైష్ణవ దివ్యక్షేత్రం.

తిరువయిందిర పురమ్
తిరువయిందిర పురమ్ Location in Tamil Nadu
ప్రదేశం
దేశం:	భారత దేశము
ఆలయ వివరాలు
ప్రధాన దైవం:	దెయ్‌వనాయకన్(దేవనాథన్)
ప్రధాన దేవత:	వైకుంఠనాయకి(హేమాబ్జవల్లి)
దిశ, స్థానం:	తూర్పు ముఖము
పుష్కరిణి:	గరుడనది-శేషపుష్కరిణి
విమానం:	చంద్రవిమానము
కవులు:	తిరుమంగై ఆళ్వార్
ప్రత్యక్షం:	చంద్రునకు, గరుత్మంతునుకు

విశేషాలు

శ్రీమత్ వేదాంతదేశికులు తపమాచరించిన ప్రదేశము. ఇక్కడ వేదాంత దేశికులు గరుడోపాసన చేసి గరుత్మంతుని వలన హయగ్రీవుల యనుగ్రహము పొందుటకై హయగ్రీవ మంత్రమును పొందాడు. ఇక్కడ ఉన్న కొండపై వారు ఆరాధించిన హయగ్రీవుల సన్నిధి ఉంది. ఈ కొండకు ఔషధాద్రి యనిపేరు. ఈక్షేత్రమున శ్రీమద్వేదాంతదేశికుడు నలుబది సంవత్సరములు నివసించాడు. ఆయన నివాసం స్వహస్తములతో నిర్మించిన నూతి (కిణర్) ఇప్పటికిని ఉంది. ఈక్షేత్రంలోని స్వామిని కీర్తిస్తూ శ్రీవేదాంత దేశికుని దేవనాయక పంచాశత్, అచ్యుతశతకం (ప్రాకృతభాష) -గరుడదండకం, గరుడ పంచాశత్, హయగ్రీవ స్తోత్రములు రచించబడ్డాయి. ఇచట మణవాళమహాముని సన్నిధి ఉంది.

ఉత్సవాలు

మేషము-పౌర్ణమి తీర్థోత్సవము-కన్యాశ్రవణం వేదాంతదేశికుల తిరునక్షత్ర మహోత్సవం చాలా వైభవముగా జరుగును.

సాహిత్యం

శ్లో. శ్రీమత్ తార్ద్య తరజ్గిణీ తటతలే శేషాఖ్య తీర్థాంచితే
  దేవ శ్శ్రీమదహేంద్ర పట్టణ వరే చంద్రాఖ్య వైమానగ:|
  వైకుంఠాఖ్య రమాయుతో విజయతే శ్రీ దేవనాథ ప్రభు:
  ప్రాగాస్య స్థితి రిందు తార్ద్య విషయ స్తుత్య: కలిద్వేషిణ:||

పాశురాలు

పా. మిన్ను మాழிయజ్గై యవన్; శెయ్యవళుఱైతరు తిరుమార్వన్;
  పన్ను నాన్మఱైప్పల్ పొరుళాగియ; పరనిడమ్‌ వరై చ్చారల్;
  పిన్ను మాదవి ప్పన్దలిల్; పెడైవర ప్పిణియవిழ் కమలత్తు;
  తైన్న వెణ్ఱు వణ్డిన్నిశై ముఱల్‌తరు; తిరువయిన్దిరపురమే.
  తిరుమంగై ఆళ్వార్లు-పెరియ తిరుమొழி 3-1-2

వివరాలు

ప్రధాన దైవం పేరు	ప్రధాన దేవి పేరు	తీర్థం	ముఖద్వార దిశ	భంగిమ	కీర్తించిన వారు	విమానం	ప్రత్యక్షం
దెయ్‌వనాయకన్ (దేవనాథన్)	వైకుంఠనాయకి (హేమాబ్జవల్లి)	గరుడనది-శేషపుష్కరిణి	తూర్పు ముఖము	నిలచున్న భంగిమ	తిరుమంగై ఆళ్వార్	చంద్రవిమానము	చంద్రునకు, గరుత్మంతునుకు

చేరే మార్గం

మద్రాస్ - తిరుచ్చి రైలు మార్గంలో తిరుప్పాప్పు లియూర్ స్టేషన్ నుండి 5 కి.మీ. టౌన్ బస్ ఉంది. మద్రాస్ నుండి మిగతా పట్టణముల నుండి "కడలూరు" బస్ గలదు. అక్కడ నుండి టౌన్ బస్ 5 కి.మీ.

చిత్రమాలిక

ఇవికూడా చూడండి

వైష్ణవ దివ్యదేశాలు

మూలాలు

వెలుపలి లింకులు