ఖోవాయ్

ఖోవాయ్, త్రిపుర రాష్ట్రంలోని ఖోవాయ్ జిల్లా ముఖ్య నగరం, ప్రధాన కార్యాలయం. ఖోవాయ్ మున్సిపల్ కౌన్సిల్‌గా, నగర పంచాయితీగా ఏర్పడింది. ఈ పట్టణం ఖోవాయ్ నది ఒడ్డున ఉండడం వల్ల దీనికి ఖోవాయ్ అనే పేరు వచ్చింది. ఖోవాయి దక్షిణ భాగం బంగ్లాదేశ్ సరిహద్దులతో కలుస్తోంది.

ఖోవాయ్
పట్టణం
ఖోవాయ్ భారతదేశంలోని త్రిపురలో ప్రాంతం ఉనికి Show map of Tripura ఖోవాయ్ ఖోవాయ్ (India) Show map of India
Coordinates: 24°3′54″N 91°36′18″E
దేశం	భారతదేశం
రాష్ట్రం	త్రిపుర
జిల్లా	ఖోవాయ్
Government
• Type	మున్సిపల్ కౌన్సిల్
• Body	ఖోవాయ్ మున్సిపల్ కౌన్సిల్
Elevation	23 మీ (75 అ.)
జనాభా  (2015)
• Total	21,387
భాషలు
• అధికారిక	బెంగాళీ, కోక్బోరోక్, ఇంగ్లీష్
Time zone	UTC+5:30 (భారత కాలమానం)
పిన్‌కోడ్	799201
ప్రాంతపు కోడ్	3825
Vehicle registration	టిఆర్

జనాభా

కోహినూర్ కాంప్లెక్స్ నుండి శుభాష్ పార్క్ దృశ్యం

2001 భారత జనాభా లెక్కల ప్రకారం,^[1] ఖోవాయ్ పట్టణంలో 17,621 జనాభా ఉంది. ఈ జనాభాలో 51% మంది పురుషులు, 49% మంది స్త్రీలు ఉన్నారు. ఖోవాయ్ సగటు అక్షరాస్యత రేటు 86% కాగా, జాతీయ సగటు 59.5% కంటే ఎక్కువగా ఉంది. ఇందులో పురుషుల అక్షరాస్యత 88% కాగా, స్త్రీల అక్షరాస్యత 85% గా ఉంది. ఈ మొత్తం జనాభాలో 9% మంది 6 సంవత్సరాల కంటే తక్కువ వయస్సు గలవారు ఉన్నారు.

అటవీ

ఖోవాయ్ ఉపవిభాగంలో ఖోవాయ్, పద్మాబిల్ అనే రెండు జోన్ కార్యాలయాలు ఉన్నాయి. ఖోవాయ్ జోన్ శ్రేణిలో 13,578 హెక్టార్ల అటవీ భూములు ఉండగా, పద్మాబిల్ జోన్ శ్రేణిలో 6,468 హెక్టార్ల అటవీ భూమి ఉంది.

ఆరోగ్యం

ఖోవాయ్ పట్టణంలో ఒక జిల్లా ఆసుపత్రి (ఖోవాయ్ హాస్పిటల్), ఐదు ప్రజారోగ్య కేంద్రాలు, 43 ఆరోగ్య ఉపకేంద్రాలు ఉన్నాయి.

భౌగోళికం, వాతావరణం

ఖోవాయ్ నది వెంబడి ఉన్న మైదానంలో ఈ ఖోవాయ్ పట్టణం ఉండడం వల్ల రుతుపవనాల ప్రభావంతో ఇక్కడ తేమతో కూడిన ఉపఉష్ణమండల వాతావరణం ఉంటుంది. సగటు ఉష్ణోగ్రతలు 28 డిగ్రీలు (82°F) ఉండగా వర్షపాతంతో హెచ్చుతగ్గులు ఉంటాయి. నవంబరు నెట మధ్య నుండి మార్చి ఆరంభం వరకు స్వల్ప, తేలికపాటి శీతాకాలం ఉంటుంది. ఈ కాలంలో ఎక్కువగా పొడి పరిస్థితులు, సగటు ఉష్ణోగ్రతలు 18 డిగ్రీలు (64°F) ఉంటుంది.

సంస్కృతి

ఖోవాయ్ పట్టణంలో కోక్బోరోక్, బంగ్లా భాషల ప్రాబల్యం ఉంది. ఇక్కడ దుర్గా పూజ, ఖార్చి, గారియా పూజ, ట్రింగ్ (త్రిపురి కొత్త సంవత్సరం) మొదలైన పండుగలు జరుపుకుంటారు.

ఇండో-బంగ్లాదేశ్ సరిహద్దు

ఖోవాయ్ పట్టణం సరిహద్దు పొడవు 61.5 కి.మీ. ఉంటుంది. ఇది దాదాపు పూర్తిగా కంచెతో ఉంది. (950 మీటర్లు మాత్రమే పెండింగ్‌లో ఉన్నాయి).

రవాణా

ఖోవాయ్ పట్టణానికి రవాణా సేవలు అందించే ఖోవాయ్ విమానాశ్రయం ప్రస్తుతం వాడుకలో లేదు.^[2]

మూలాలు

1. "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 30 December 2020.
2. "Unused Airports in India". Center For Asia Pacific Aviation. 27 November 2009. Archived from the original on 8 డిసెంబరు 2012. Retrieved 30 December 2020.

ఇతర లంకెలు

• ఖోవాయ్ అధికారిక సైట్