సందీప్ రాజ్ దర్శకత్వంలో 2020లో విడుదలైన తెలుగు చలనచిత్రం. From Wikipedia, the free encyclopedia
కలర్ ఫోటో 2020, అక్టోబరు 23న విడుదలైన తెలుగు చలనచిత్రం. అమృతా ప్రొడక్షన్స్, లౌక్యా ఎంటర్టైన్మెంట్ పతాకాలపై సాయి రాజేష్, బెన్ని ముప్పానేని నిర్మించిన ఈ చిత్రానికి సందీప్ రాజ్ దర్శకత్వం వహించాడు. సుహాస్ తొలిసారిగా ప్రధాన పాత్రలో నటించిన ఈ చిత్రంలో చాందిని చౌదరి, సునీల్, వైవా హర్ష, 'కంచరపాలెం' సుబ్బారావు తదితరులు నటించారు.[1][2][3] 1990లలో మచిలిపట్నం నేపథ్యంలో, ఒక సాధారణ యువకుడి జీవిత కథతో ఈ సినిమా రూపొందించబడింది.[4][5][6]
కలర్ ఫోటో | |
---|---|
![]() కలర్ ఫోటో సినిమా పోస్టర్ | |
దర్శకత్వం | సందీప్ రాజ్ |
రచన | సందీప్ రాజ్ |
కథ | సాయి రాజేష్ |
నిర్మాత | సాయి రాజేష్ బెన్ని ముప్పానేని |
తారాగణం | సుహాస్ చాందిని చౌదరి సునీల్ వైవా హర్ష దివ్య శ్రీపాద 'కంచరపాలెం' సుబ్బారావు |
ఛాయాగ్రహణం | వెంకట్ ఆర్ శాఖమూరి |
కూర్పు | కోదాటి పవన్ కళ్యాణ్ |
సంగీతం | కాల భైరవ |
నిర్మాణ సంస్థలు | అమృతా ప్రొడక్షన్స్ లౌక్యా ఎంటర్టైన్మెంట్ |
పంపిణీదార్లు | ఆహా (ఓటిటి) |
విడుదల తేదీ | 23 అక్టోబరు 2020 |
దేశం | భారతదేశం |
భాష | తెలుగు |
2020, అక్టోబరు 23న ఈ చిత్రం ఆహా (ఓటిటి)లో విడుదలయింది.[7]
సినిమా కథంతా మచిలీపట్నంలో జరుగుతుంది. ఊళ్ళో జనాలకి పాలు పోస్తూ పూటగడిపే జయకృష్ణ (సుహాస్), మరోవైపు కాలేజీలో చదువుకుంటాడు. కాలేజీలో చేరిన కొన్ని రోజులకే దీప్తి (చాందినీ చౌదరి)ను చూసి ప్రేమలో పడతాడు కిట్టు అలియాస్ జయకృష్ణ. ఇక కిట్టు అందంగా లేనప్పటికీ అతని మంచి మనసుకి ఫిదా అయి ప్రేమలో పడుతుంది దీపు అలియాస్ దీప్తి. ఎవరికీ తెలియకుండా ప్రేమించుకునే కిట్టు-దీపు ఓ ఇన్సిడెంట్ కారణంగా కాలేజీ ప్రిన్సిపాల్ తోపాటు దీపు అన్నయ్య రామరాజు (సునీల్)కి చిక్కుతారు. ఊళ్ళో పోలీస్ గా ఉద్యోగం చేస్తూ ప్రేమ వివాహాలను వ్యతిరేకించే రామరాజు, దీపుకి కిట్టుని దూరం చేసి తన చెల్లికి అందంగా ఉండే వ్యక్తితో పెళ్లి చేయాలని భావిస్తాడు. రామరాజు కారణంగా కిట్టు, దీపు విడిపోతారు. అలా ప్రేమించిన కిట్టుకి దూరమైన దీపు ఓ ఎన్.ఆర్.ఐ.ని తప్పని పరిస్థితుల్లో పెళ్లి చేసుకోని సెటిల్ అవుతుంది. ఇక దీపుకి దూరమైన కిట్టు చివరికి ఏమయ్యాడు..? అనేది సినిమా కథాంశం.
Untitled | |
---|---|
ఈ చిత్రానికి కాల భైరవ సంగీతం అందించాడు. కిట్టు విస్సాప్రగడ, సాయి కిరణ్ పాటలు రాశారు. ఆదిత్యా మ్యూజిక్ ద్వారా పాటలు విడుదలయ్యాయి.[9]
సం. | పాట | పాట రచయిత | గాయకులు | పాట నిడివి |
---|---|---|---|---|
1. | "తరగతి గది" | కిట్టు విస్సాప్రగడ | కాల భైరవ | 3:34 |
2. | "అరెరె ఆకాశం" | కిట్టు విస్సాప్రగడ | అనురాగ్ కులకర్ణి, కాల భైరవ | 3:23 |
. 3. ఏకాంతం. క్రిష్ణ చైతన్య రమ్య బెహ్ర
4.చెప్పాలంటే
చాలా కష్టం సాయికిరణ్ హేమ చంద్ర
ఈ చిత్రం "ఆకట్టుకునే ప్రేమకథ" అని ఈనాడు పత్రికలో రాశారు. శారీరక రంగు నేపథ్యంలో ఉన్న కథాంశాన్ని ఎంచుకున్నందుకు దర్శకుడిని అభినందిస్తూ, ఆ కథని స్క్రీన్ ప్లేలోకి మలచడం సరిగాలేదని అభిప్రాయపడ్డారు. ఈ చిత్రంలో ముఖ్యపాత్రల్లో నటించిన వారి నటన బాగుందని సమీక్ష పేర్కొంది.[10] కథాంశం, నటన, సంగీతం బాగుందని, స్క్రీన్ ప్లే నెమ్మదిగా ఉందని సాక్షి పత్రికలో రాశారు.[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.