బాలరాజు ఎం దర్శకత్వం వహించిన చిత్రం From Wikipedia, the free encyclopedia
కనబడుటలేదు 2021లో విడుదల కానున్న క్రైమ్, సస్పెన్స్‌ థ్రిల్లర్ తెలుగు సినిమా.సరయు తలసిల సమర్పణలో ఎస్.ఎస్ ఫిల్మ్స్ - శ్రీ పాద క్రియేషన్స్ - షేడ్ స్టూడియోస్ బ్యానర్లపై సాగర్ మాచనూరు, సతీష్ రాజు, దిలీప్ కూరపాటి, డా.శ్రీనివాస్ కిషన్ అన్నపు, దేవీప్రసాద్ బలివాడ సంయుక్తంగా నిర్మించిన ఈ సినిమాకు ఎం.బాలరాజు దర్శకత్వం వహించాడు. సునీల్, వైశాలీరాజ్, సుక్రాంత్ వీరెల్ల, హిమజ ప్రధాన పాతరాల్లో నటించారు. ఈ సినిమాట్రైలర్‌ను 2021 ఆగష్టు 8న విడుదల చేసి,[1] సినిమాను ఆగష్టు 13న విడుదల చేయనున్నారు.
| కనబడుటలేదు | |
|---|---|
 | |
| దర్శకత్వం | ఎం.బాలరాజు |
| నిర్మాత | సాగర్ మాచనూరు సతీష్ రాజు దిలీప్ కూరపాటి డా.శ్రీనివాస్ కిషన్ అన్నపు దేవీప్రసాద్ బలివాడ |
| తారాగణం | సునీల్, వైశాలీరాజ్, సుక్రాంత్ వీరెల్ల, హిమజ |
| ఛాయాగ్రహణం | సందీప్ బద్దుల |
| కూర్పు | రవితేజ కూర్మన |
| సంగీతం | మధు పొన్నస్ |
నిర్మాణ సంస్థలు | ఎస్.ఎస్ ఫిల్మ్స్ శ్రీ పాద క్రియేషన్స్ షేడ్ స్టూడియోస్ |
విడుదల తేదీ | 13 ఆగస్టు 2021 |
| దేశం |  భారతదేశం |
| భాష | తెలుగు |
శిశిత, సూర్య ఇద్దరు ప్రేమించుకుంటారు. అయితే శిశితను ఆదిత్య అనే మరో అబ్బాయి ప్రేమిస్తాడు. వీరిద్దరి మధ్య ప్రేమ సంగతి కుటుంబంతో పాటు ఆదిత్యకు తెలుస్తోంది. దీంతో ఓ రోజు శిశిత, సూర్య ఇద్దరు ఇంటి నుంచి పారిపోదామని నిర్ణయించుకుంటారు. ఈ క్రమంలోనే శిశిత రైల్వే స్టేషన్‌కు వెళుతుంది. ఇంటి నుంచి బయలు దేరిన సూర్య మాత్రం స్టేషన్‌కు చేరుకోడు. ఆ రోజు నుంచి సూర్య కనబడకుండా పోతాడు. దీంతో ఈ కేసు మిస్టరీని చేధించడానికి డిటెక్టివ్ రామకృష్ణ (సునీల్) రంగంలోకి దిగుతాడు. ఈ కేసు ఛేదనలో డిటెక్టివ్ రామకృష్ణ కి ఎలాంటి అనుభవాలు ఎదురయ్యాయి?? సూర్య ఆచూకీని డిటెక్టివ్ రామకృష్ణ కనుగొన్నాడా ?? లేదా అనేదే మిగతా సినిమా కథ.
మధు పొన్నాస్ సంగీతం అందించారు.
| సం. | పాట | పాట రచయిత | సింగర్(లు) | పాట నిడివి |
|---|---|---|---|---|
| 1. | "తొలిసారి నేనే" | చంద్రబోస్ | హరిచరణ్ | 4:42 |
| 2. | "అమ్మమో ఏం అమ్మాయో" | మధు నందన్ బి. | గోల్డ్ దేవరాజ్ | 4:18 |
| 3. | "మామా మామా" | మధు నందన్ బి. | రాహుల్ నంబియార్ | 4:05 |
| 4. | "ఎదకేమై ఉంటుందే" | పూర్ణ చారి | కార్తీక్ | 4:09 |
| 5. | "ప్రేమే లేదు" | మధు నందన్ బి. | రాహుల్ సిప్లిగంజ్, రవిప్రకాశ్ చోడిమల్ల | 4:41 |
ఈ చిత్రం మొదట 2021 ఏప్రిల్ 14 న విడుదల కావాల్సి ఉంది, కానీ కోవిడ్ -19 మహమ్మారి కారణంగా వాయిదా పడింది.[3] విడుదల తేదీని 13 ఆగస్టు 2021 గా రీషెడ్యూల్ చేశారు, కానీ 2021 ఆగస్టు 19 కు వాయిదా వేశారు.[4]
క్రైమ్ థ్రిల్లర్ మైనస్ థ్రిల్స్ గా తెరకెక్కిన ఈ సినిమాకు 5కి 2 స్టార్స్ రేటింగ్ ఇచ్చారు శ్రావణ్ వనపర్తి. వనపర్తి ఇలా వ్రాశాడు: "కథ కాగితం మీద బలంగా అనిపించినా, కథాంశం కూడా ఆసక్తిని రేకెత్తించడంతో, ఎగ్జిక్యూషన్ లోపించింది." ఈనాడుకు చెందిన ఒక సమీక్షకుడు సునీల్, వైశాలి రాజ్ ల నటనను మెచ్చుకున్నప్పటికీ కథ, స్క్రీన్ ప్లేను విమర్శించాడు. ఏషియానెట్ న్యూస్ నెట్ వర్క్ క్రిటిక్ సూర్య కుమార్ జోష్యుల ఈ సినిమాలో సునీల్ ను తక్కువగా వాడుకున్నారని అభిప్రాయపడ్డారు. డైరెక్షన్ పార్ట్స్ లో ఆకట్టుకోగా, ఓవరాల్ గా కథన శైలి సినిమాను కిందికి లాగిందని జోష్యుల తెలిపారు. 123telugu.com తన సమీక్షను ఇలా ముగించారు: "మొత్తం మీద, మంచి కథాంశం ఉన్నప్పటికీ, కొన్ని నిరాశపరిచే ఎగ్జిక్యూషన్, అధ్వాన్నమైన డబ్బింగ్ వల్ల చెడగొట్టబడింది కనబడుటలేదు. సెకండాఫ్ లో సునీల్ కాస్త అర్థవంతంగా కనిపిస్తాడు కానీ సినిమా చెడిపోకుండా కాపాడటానికి అది సరిపోదు" అన్నారు.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
