![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/93/Test_cricket_-_women_-_1935.jpg/640px-Test_cricket_-_women_-_1935.jpg&w=640&q=50)
మహిళల టెస్టు క్రికెట్
From Wikipedia, the free encyclopedia
మహిళల టెస్టు క్రికెట్, మహిళల క్రికెట్లో పురుషుల టెస్టు క్రికెట్తో సమానమైనది. మ్యాచ్లో నాలుగు-ఇన్నింగ్సులు ఉంటాయి. మ్యాచ్ రెండు ప్రముఖ క్రికెట్ దేశాల మధ్య గరిష్ఠంగా ఐదు రోజుల పాటు జరుగుతుంది. సాధారణంగా పురుషుల ఆటకు సంబంధించిన నిబంధనలే మహిళల అటకూ వర్తిస్తాయి. అంపైరింగు లోను, ఫీల్డు కొలతల్లో కొద్దిపాటి సాంకేతికమైన తేడాలు మాత్రం ఉంటాయి.
1934 డిసెంబరులో మొదటి మహిళా టెస్టు మ్యాచ్, ఇంగ్లండ్ మహిళలకు ఆస్ట్రేలియా మహిళలకూ మధ్య జరిగింది. బ్రిస్బేన్లో జరిగిన ఆ మూడు రోజుల పోటీలో ఇంగ్లండ్ తొమ్మిది వికెట్ల తేడాతో గెలిచింది.[1] ఇప్పటి వరకు మొత్తం 144 మహిళల టెస్టు మ్యాచ్లు జరిగాయి. మహిళల వన్డే ఇంటర్నేషనల్లు, మహిళల ట్వంటీ20 ఇంటర్నేషనల్ల రాకతో ఏటా జరిగే మ్యాచ్ల సంఖ్య బాగా తగ్గుతూ పోతోంది. అంతర్జాతీయ క్యాలెండరంతా ఆట లోని చిన్న ఫార్మాట్లే ఉంటూ ఉన్నాయి.